సీనియర్ యాంకర్‌గా బుల్లితెరపై కోట్ల మంది అభిమానాన్ని చూరగొన్న సుమ, వెండితెరపైనా సత్తా చాటారు గతంలో. లాంగ్ గ్యాప్ తర్వాత మళ్లీ వెండితెరపై సరికొత్త అవతారంలో మెరవబోతున్నారు. సుమక్క ప్రధాన పాత్రలో ‘జయమ్మ పంచాయతీ’ అనే సినిమా రూపొందుతోంది.
లేటెస్టుగా ఈ సినిమా మోషన్ పోస్టర్‌ని మెగా పవర్ స్టార్ రామ్ చరణ్ రిలీజ్ చేశారు. ఈ పోస్టర్‌లో ఓ ఊరు, ఆ ఊరికి పెద్దగా సీరియస్ లుక్స్‌లో జయమ్మగా సుమ కనకాల కనిపిస్తోంది. గతంలోనే సుమ వెండితెర రీ ఎంట్రీ విషయమై ఓ పెద్ద రచ్చ జరిగింది స్పెషల్ పబ్లిసిటీ రూపంలో.
అదంతా ఉత్తదే అనుకున్నారు. కానీ, ఇదిగో ఇప్పుడిలా జయమ్మగా దర్శనమిచ్చి అందరికీ షాకిచ్చింది సుమ. ఇకపోతే, ఈ సినిమాకి విజయ్ కుమార్ కాలివరపు దర్శకత్వం వహిస్తున్నారు. కాగా, బుల్లితెరపై తన వ్యాఖ్యానంలో భాగంగా ఎన్నో రకాల గెటప్పుల్లో సుమ కనిపించి అభిమానుల మెప్పు పొందింది. ఇక పెద్ద తెరపై జేజమ్మను తలపించేలా ఉన్న ఈ జయమ్మ పాత్ర ఆమెకు కొట్టిన పిండే అని చెప్పక తప్పదు.