RRR Movie: దర్శకుడు ఎస్.ఎస్.రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం RRR. ఈ సినిమా అన్ని ఆటంకాలను ఎదుర్కొని ఈనెల 25వ తేదీన విడుదల కావడానికి సిద్ధమైంది. ఈ క్రమంలోనే పెద్దఎత్తున ఈ సినిమా ప్రమోషన్ కార్యక్రమాలను నిర్వహిస్తున్నారు. ఇకపోతే ఈ సినిమా గ్రాండ్ ఈవెంట్ కూడా చిత్రబృందం కన్ఫర్మ్ చేసినట్లు తెలుస్తోంది. అయితే ఈ సినిమా ఈవెంట్లను ఘనంగా నిర్వహించాలని నిర్మాతలు ప్లాన్ చేస్తున్నట్లు తెలుస్తోంది.ఈ క్రమంలోని ఈ నెల 18, 19 వ తేదీలలో ఈ సినిమా రిలీజ్ వేడుకలను నిర్వహించనున్నట్లు సమాచారం.
ఇప్పటికే ఈ సినిమా ప్రీ రిలీజ్ వేడుకను ముంబైలో ఎంతో ఘనంగా నిర్వహించారు. అయితే ఈ ప్రమోషన్ కార్యక్రమాల్లో భాగంగా దుబాయిలో ఎంతో అంగరంగ వైభవంగా ఈ సినిమా ప్రీ రిలీజ్ వేడుకను నిర్వహిస్తున్నారని పెద్ద ఎత్తున వార్తలు వచ్చాయి. అయితే సోషల్ మీడియాలో వస్తున్న వార్తల ప్రకారం ఈ నెల 18వ తేదీ దుబాయిలోని బుర్జ్ ఖలీఫాలో RRR గ్రాండ్ ప్రీ రిలీజ్ ఈవెంట్ కన్ఫర్మ్ అయినట్లు తెలుస్తోంది ఈ వేడుకను ఎంతో ఘనంగా నిర్వహించాలని మేకర్స్ ప్లాన్ చేశారు. అయితే ఈ వేడుక కోసం చిత్రబృందం మొత్తం తప్పనిసరిగా హాజరుకావాలని రాజమౌళి సూచనలు చేసినట్లు తెలుస్తోంది.
ఇక ఈ రిలీజ్ వేడుక అయిపోయిన వెంటనే 19వ తేదీ బెంగళూరులోని చిక్కబల్లాపూర్లో ఓ ప్రమోషనల్ ఈవెంట్ జరగనుంది. ఇక వీటికి సంబంధించిన అధికారిక ప్రకటన రావాల్సి ఉంది.ఇలా ఈ సినిమా విడుదల తేది దగ్గర పడటంతో చిత్రబృందం ప్రమోషన్ కార్యక్రమాలను వేగవంతం చేస్తున్నారు.గత మూడు సంవత్సరాల నుంచి ఈ సినిమా పై భారీ అంచనాలు ఏర్పడ్డాయి. ఈ క్రమంలోనే ఈ సినిమా కోసం యావత్ సినీ ప్రేమికుల అందరూ కూడా ఎంతో ఆతృతగా ఎదురుచూస్తున్నారు.