Jagga Reddy: తెలంగాణలో బీఆర్ఎస్ దీక్షా దివస్, కాంగ్రెస్ ప్రజాపాలన విజయోత్సవాలు ఉండటంతో.. రెండు పార్టీల నేతల మధ్య మాటల యుద్ధం జరుగుతుంది. ఒక పార్టీ నేతలపై మరొక పార్టీ నేతలు తీవ్రస్థాయిలో విమర్శలు చేసుకుంటూ కామెంట్లు చేస్తున్నారు. తాజాగా కేటీఆర్ కాంగ్రెస్ ప్రభుత్వం గురించి చేసినటువంటి వ్యాఖ్యలపై మరో కాంగ్రెస్ సీనియర్ నేత జగ్గారెడ్డి కౌంటర్ ఇచ్చారు.
మరికొద్ది రోజుల్లోనే తెలంగాణలోని కాంగ్రెస్ ప్రభుత్వం ఏడాది పూర్తి చేసుకోనుంది. ఈ క్రమంలో తమ పాలనకు సంబంధించిన విజయాలను ప్రజలలోకి తీసుకెళ్లడం కోసం గట్టి ప్రయత్నాలు చేస్తున్నారు. ఇక కాంగ్రెస్ ప్రభుత్వాన్ని టార్గెట్ చేసే విషయంలో బిఆర్ఎస్ కూడా దూసుకుపోతుంది. రేవంత్ రెడ్డి ప్రభుత్వం ఏర్పాటు జరిగి ఏడాది పూర్తి అయింది అయితే ఈ ఏడాది కాలంలోనే ఆయన పాలన విషయంలో పూర్తిగా ఫెయిల్ అయ్యారని బిఆర్ఎస్ నేతలు విమర్శలు కురిపిస్తున్నారు.
రేవంత్ ప్రభుత్వం తుమ్మితే ఊడిపోయే ముక్కులాంటిదని.. ఢిల్లీ వాళ్లకు జలుబు చేస్తే ఇక్కడ రేవంత్ పదవి పోతుందని విమర్శించారు. రేవంత్ సర్కారును చూసుకొని మరి కొంతమంది కాంగ్రెస్ నేతలు కూడా రెచ్చిపోతున్నారని విమర్శలు చేశారు. కాంగ్రెస్ ప్రభుత్వాన్ని కూకటివేళ్లతో పెకిలిస్తామని కేటీఆర్ పేర్కొన్నారు. లగచర్ల బాధితులుగా అండగా రాష్ట్రవ్యాప్తంగా ధర్నాలు చేపడతామని కేటీఆర్ కాంగ్రెస్ ప్రభుత్వం గురించి చేస్తున్న వ్యాఖ్యలపై జగ్గారెడ్డి మండిపడ్డారు.
కేటీఆర్ స్థాయికి మించిన మాటలు మాట్లాడుతున్నారని తెలిపారు. కాంగ్రెస్ ప్రభుత్వాన్ని కూకటివేళ్లతో పెకిలిస్తావా.. నీకు అంత శక్తి ఉందా.. కాంగ్రెస్ పార్టీ అంటే ఒక మర్రి చెట్టు లాంటిది. దానిని ఎవరు ఏమి చేయలేరు అంటూ జగ్గారెడ్డి కేటీఆర్ కు కౌంటర్ ఇస్తూ చేసిన ఈ కామెంట్స్ ప్రస్తుతం వైరల్ అవుతున్నాయి.