తన నలభై ఏళ్ళ సుదీర్ఘ ప్రయాణంలో ఎన్నో సూపర్ హిట్స్, అలాగే కొన్ని పరాజయాలు చూసిన చిరంజీవి ఎప్పడూ లేని విధంగా తన ‘ఆచార్య’ సినిమా ప్లాప్ ని ఈజీ గా తీసుకోలేకపోతున్నారు. అవసరం ఉన్నా, లేకున్నా ఆ సినిమా పరాజయానికి దర్శకుడు మాత్రమే కారణం అని వీలున్నప్పుడల్లా కొరటాల శివ ని విమర్శిస్తూనే ఉన్నాడు.
ఇప్పుడు తన ఆశలన్నీ ‘గాడ్ ఫాదర్’ సినిమా పైనే పెట్టుకున్నాడు. ఈ మూవీ మీద క్రేజ్ పెంచడానికి బాలీవుడ్ సూపర్ స్టార్ సల్మాన్ ఖాన్ ని స్పెషల్ రోల్ కి ఒప్పించాడు. ఇంకో రెండు రోజుల్లో వస్తున్న ఈ మూవీ పై అంచనాలు బాగానే ఉన్నాయి.
తాజాగా అందిన సమాచారం ప్రకారం ‘గాడ్ ఫాదర్’ సినిమాలో సల్మాన్ ఖాన్ తో బాటు రామ్ చరణ్ కూడా ఒక కీలక రోల్ లో నటిస్తున్నాడని తెలుస్తుంది. ఈ మూవీ ప్రమోషన్స్ లో సల్మాన్ ఖాన్ ఈ విషయాన్నీ రివీల్ చేసాడు. ఈ సినిమాకి మోహన్ రాజా ద‌ర్శ‌క‌త్వం వ‌హిస్తున్నారు. మలయాళం మూవీ ‘లూసిఫెర్’ కి రీమేక్ గా వస్తున్న ఈ సినిమా ఎలా ఉంటుందో తెలియాలంటే మాత్రం అక్టోబ‌ర్ 05 వ‌ర‌కు వేచి చూడాల్సిందే.