Pawan And Jr NTR : ప్రస్తుతం టాలీవుడ్ ఆడియెన్స్ ఆసక్తిగా ఎదురు చూస్తున్న మరో మోస్ట్ అవైటెడ్ సినిమా “సర్కారు వారి పాట”. సూపర్ స్టార్ మహేష్ బాబు నుంచి ఒక కంప్లీట్ కొత్త మహేష్ ని చూడబోతున్న ఈ సినిమాపై ఇప్పుడు భారీ స్థాయి అంచనాలు నెలకొన్నాయి. దర్శకుడు పరశురామ్ పెట్ల తెరకెక్కించిన ఈ సినిమా ఇప్పుడు సరికొత్త ప్రమోషన్స్ తో సిద్ధం అవుతుంది.
అయితే ఇదంతా బాగానే ఉన్నా ఈ సినిమా ప్రీ రిలీజ్ ఈవెంట్ కి సంబంధించి కొన్ని ఊహాగానాలు పెద్ద ఎత్తున వైరల్ అవుతున్నాయి. ముఖ్యంగా సోషల్ మీడియాలో అయితే ఈ సినిమా ఈవెంట్ కి వచ్చే ముఖ్య అతిధి ఎవరు అనే దానిపై రెండు పేర్లు గట్టిగా వినిపిస్తున్నాయి.
ఒకరేమో ఈ సినిమాకి ఎన్టీఆర్ వస్తున్నాడని మరొకరు ఏమో పవర్ స్టార్ పవన్ కళ్యాణ్ హాజరు కానున్నాడని ఎవరి మట్టుకు వారు చెబుతున్నారు. అయితే ఈ రెండు కూడా ఒకింత షాకింగ్ గానే ఉన్నా వీటిపై క్లారిటీ అయితే మాకు తెలుస్తుంది. అసలు ఏది కూడా నిజం నిజం కాదట.
నిజానికి చిత్ర యూనిట్ ఆ ప్లాన్ లోనే లేరని అందుకే ఈ సినిమాకి గాను అసలు ముఖ్య అతిధి అంటూ ఎవరూ లేకుండానే సోలోగా కేవలం చిత్ర యూనిట్ తో మాత్రమే అట్టహాసంగా చెయ్యాలని ప్లాన్ చేస్తున్నారట. మరి ఈ 7న జరిగే భారీ ఈవెంట్ లో మళ్ళీ ఏమన్నా మార్పులు వస్తాయేమో చూడాలి.