Acharya Crazy Trailer Talk : రీసెంట్ గా టాలీవుడ్ సినిమా నుంచి అనేక మల్టీ స్టారర్ సినిమాలు రావడం ఒకెత్తు అయితే ఆ సినిమాలు అన్నీ కూడా హిట్ అవుతూనే వస్తున్నాయి. మరి అలాగే ఆడియెన్స్ ఎంతో ఆసక్తిగా ఎదురు చూస్తున్న మరో బిగ్గెస్ట్ మల్టీ స్టారర్ సినిమా “ఆచార్య”. మెగాస్టార్ చిరంజీవి మరియు మెగా వారసుడు మెగాపవర్ స్టార్ రామ్ చరణ్ లు హీరోలుగా నటించిన ఈ సినిమాని దర్శకుడు కొరటాల శివ తెరకెక్కించగా భారీ అంచనాలు నెలకొన్నాయి.
అయితే ఈ మల్టీ స్టారర్ లో చిరు ని చరణ్ ని కలిపి చూస్తే ఎలా ఉంటుందో అని ఆసక్తిగా అందరు చూస్తుండగా ఇప్పుడు ట్రైలర్ పై ఇండస్ట్రీ వర్గాల్లో క్రేజీ సమాచారం వినిపిస్తుంది. ఈ ట్రైలర్ ని చిత్ర బృందం అదిరే మాస్ విజువల్స్ తో కట్ చేసినట్టు తెలుస్తుంది.
అంతే కాకుండా లాస్ట్ టైం చరణ్ టీజర్ లో ఒక బిట్ చిరుత పులితో కలిపి చూపించగా ఎలాంటి స్పందన వచ్చిందో ఈసారి ట్రైలర్ లో అంతకు మించి మాస్ విధ్వంసం ఇద్దరు తండ్రి కొడుకులతో దర్శకుడు కొరటాల చూపించనున్నట్టు ఇండస్ట్రీ వర్గాలు చెబుతున్నాయి.
అంతే కాకుండా ఇందులో మణిశర్మ ఇచ్చిన నేపథ్య సంగీతం కూడా బిగ్గెస్ట్ హైలైట్ అవ్వనుంది అని టాక్. అయితే ఈ ట్రైలర్ పై అనౌన్స్ మెంట్ త్వరలోనే వస్తుండగా దీనిని ఈ శ్రీరామ నవమికి ప్లాన్ చేస్తున్నట్టు తెలుస్తుంది. అలాగే ఈ ఏప్రిల్ 29న ప్రపంచ వ్యాప్తంగా రిలీజ్ అవ్వడానికి సిద్ధంగా ఉంది.