Pawan : వచ్చే ఏడాది మొట్ట మొదటి అతి పెద్ద తెలుగు పండగ సంక్రాంతి కి గాను పలు భారీ సినిమాలు రిలీజ్ కి వస్తున్న సంగతి అందరికీ తెలిసిందే. మరి ఈ రేస్ ని మొదటగా భారీ పాన్ ఇండియా సినిమా ట్రిపుల్ ఆర్(RRR) స్టార్ట్ చేస్తుండగా మరో భారీ పాన్ ఇండియా సినిమా ప్రభాస్ “రాధే శ్యామ్” సినిమా కూడా ఇంకో వారంలో ఉంది.
అయితే ఈ రెండు సినిమాలకు మధ్యలో పవర్ స్టార్ పవన్ కళ్యాణ్ మాస్ సినిమా “భీమ్లా నాయక్” రిలీజ్ కి రెడీగా కూడా ఉంది. అయితే ఈ సినిమా రిలీజ్ పై ఎప్పుడు నుంచో పలు గాసిప్స్ వినిపిస్తూనే ఉన్నాయి. సినిమా వాయిదా అని తప్పుకుంటుంది అని చాలానే వచ్చాయి. అయితే ఇప్పుడు ఫ్రెష్ గా ఓ ఊహించని టాక్ బయటకు వచ్చి వైరల్ అవుతుంది.
ఇన్సైడ్ టాక్ ప్రకారం అసలు పవన్ సినిమాకి థియేటర్ లు దొరకట్లేదు అట. మొత్తం 80 శాతం ఏపీ, తెలంగాణా లో థియేటర్స్ అన్నీ రాజమౌళి, ప్రభాస్ సినిమాలకే కేటాయించేసారని అందుకే భీమ్లా నాయక్ కి థియేటర్ లు దొరకడం లేదని తాజా టాక్. మరి ఇందులో ఎంత మేరకు నిజముందో తెలియాల్సి ఉంది.