Acharya : టాలీవుడ్ నుంచి వస్తున్న పలు క్రేజీ మల్టీస్టారర్ చిత్రాల్లో మెగాస్టార్ చిరంజీవి మరియు మెగా స్టార్ కొడుకు మెగాపవర్ స్టార్ రామ్ చరణ్ తో బ్లాక్ బస్టర్ సినిమాల దర్శకుడు కొరటాల శివ తెరకెక్కించిన భారీ బడ్జెట్ సినిమా “ఆచార్య” కూడా ఒకటి. అనేక అంచనాలు ఉన్న ఈ సినిమా రిలీజ్ పట్ల మళ్లీ ఇప్పుడు కీలక చర్చ నడుస్తోంది.
ఆల్రెడీ ఈ సినిమా వచ్చే ఏడాది ఫిబ్రవరి 4న ప్రపంచ వ్యాప్తంగా విడుదలకు సిద్ధం చేసారు. కానీ మళ్లీ ఈ చిత్రం రిలీజ్ పై ఊహాగానాలు స్టార్ట్ కాగా కొత్త రిలీజ్ డేట్ లు ఇప్పుడు వినిపిస్తున్నాయి. బాగా దగ్గర సమాచార వర్గాలు ప్రకారం ఈ చిత్రం అయితే వచ్చే ఫిబ్రవరి 4నే రిలీజ్ అవుతుందట లేకపోతే ఇదే ఫిబ్రవరి 25న రిలీజ్ చెయ్యడానికి ప్లాన్ చేస్తున్నారట.
ఈ రెండిట్లో ఒక తేదీపై మళ్లీ క్లారిటీ వస్తుందట. ఇదెప్పుడు జరుగుతుంది అనేది వేచి చూడాల్సిందే. ఈ చిత్రంలో కాజల్ అగర్వాల్ మరియు పూజా హెగ్డే లు హీరోయిన్ లుగా నటించగా మణిశర్మ సంగీతం అందించారు.