RRR : ఇప్పుడు నో డౌట్ గా పాన్ ఇండియా స్థాయిలో భారీ అంచనాలతో రిలీజ్ కి రెడీగా ఉన్న సినిమా ట్రిపుల్ ఆర్(RRR) అని చెప్పాలి. ఎస్ ఎస్ రాజమౌళి మెగాపవర్ స్టార్ రామ్ చరణ్ అలాగే యంగ్ టైగర్ ఎన్టీఆర్ లాంటి దిగ్గజ మాస్ హీరోలతో చేసిన ఈ భారీ సినిమా నెవర్ బిఫోర్ విజువల్స్ తో తెరకెక్కి రిలీజ్ కి రెడీగా ఉంది.
అయితే ఈ సినిమా ట్రైలర్ తర్వాత ఏ స్థాయిలోకి వెళ్లిందో ప్రత్యేకంగా చెప్పుకోవాల్సిన అవసరం లేదు. మరి ఈ ట్రైలర్ లో కానీ అసలు ఇప్పుడు వరకు కానీ ఈ సినిమా నుంచి చూడని బిట్ ఒక దాని కోసం ఆసక్తికరమైన సమాచారం తెలుస్తోంది. నిన్న జరిగిన ముంబై ఈవెంట్ లో రాజమౌళి దీని కోసం చెప్పాడట. ఈ సినిమా సెకండాఫ్ లో ఉండే ఆ సన్నివేశం మైండ్ బ్లోయింగ్ గా ఉంటుందట.
ప్రతి ఒక్కరికీ రోమాలు నిక్కబొడిచేలా, ఆ కొద్ది సేపు ఊపిరి బిగపట్టి చూసేలా ఈ సన్నివేశం ఉంటుంది అని రాజమౌళి తెలిపారు. ఇక దీనిని బట్టి ట్రిపుల్ ఆర్ సినిమా సిల్వర్ స్క్రీన్ పై ఎలాంటి ఫీస్ట్ ని అందిస్తుంది అనేది మనం ఊహించవచ్చు. మరి ఈ భారీ సినిమా వచ్చే జనవరి 7న విడుదల కి సిద్ధంగా ఉంది. చూడాలి ఎలా ఉంటుందో.