Pawan Kalyan : మన టాలీవుడ్ లో ఉన్నటువంటి బిగ్గెస్ట్ స్టార్స్ లో పవర్ స్టార్ పవన్ కళ్యాణ్ కూడా ఒకరు. తన సినిమాలకు ఏ రేంజ్ వసూళ్లు ఓపెనింగ్స్ కి పడతాయో అందరికీ తెలిసిందే. మరి తన కెరీర్ లో సినిమాలకు బ్రేక్ ఇచ్చి మళ్ళీ రీ స్టార్ట్ చేయడంతో పలు భారీ సినిమాలనే పవన్ సెట్ చేసుకొని రంగంలోకి దిగుతున్నాడు అయితే వీటి అన్నిటిలో పవన్ కెరీర్ లో అత్యధిక బడ్జెట్ తో చేస్తున్న భారీ ప్రాజెక్ట్ నే “హరిహర వీరమల్లు”.
దాదాపు గా 150 కోట్లకి పైగా బడ్జెట్ తో ఈ చిత్రాన్ని తెరకెక్కిస్తున్నారు. దర్శకుడు క్రిష్ జాగర్లమూడి ఈ సినిమాని చాలా హై ఎండ్ గ్రాఫిక్స్ మరియు పవన్ స్టైల్ ఏక్షన్ ఎలిమెంట్స్ తో నింపేసి గట్టిగానే సిద్ధం చేస్తున్నారు. అయితే ఇప్పుడు ఈ సినిమా రిలీజ్ పైనే ఇండస్ట్రీ వర్గాల్లో లేటెస్ట్ టాక్ ఒకటి వైరల్ అవుతుంది.
దాని ప్రకారం అయితే ఈ చిత్రం తాలూకా షూట్ ని రానున్న మార్చ్ 18 నుంచి స్టార్ట్ చేసి సాధ్యమైనంత త్వరగా ఫినిష్ చెయ్యాలని చూస్తున్నారట. అంతే కాకుండా ఆల్రెడీ రిలీజ్ కి కూడా టార్గెట్ లాక్ చేసినట్టు ఊహాగానాలు వినిపిస్తున్నాయి.
ఈ ఏడాదిలో దసరా కానుకగా ఈ భారీ సినిమాని రిలీజ్ చెయ్యాలని చిత్ర బృందం నిర్ణయించుకున్నట్టు లేటెస్ట్ గా వినిపిస్తున్న బజ్. మరి పాన్ ఇండియా లెవెల్లో తెరకెక్కిస్తున్న ఈ చిత్రంలో నిధి అగర్వాల్ హీరోయిన్ గా నటిస్తున్న సంగతి తెలిసిందే. అలాగే ఎం ఎం కీరవాణి నిర్మాణం వహించారు.