Acharya Movie Run Time : తెలుగు సినిమా దిగ్గజ హీరో మెగాస్టార్ చిరంజీవి హీరోగా నటించిన మెగా మాస్ సినిమా “ఆచార్య” కోసం మెగా అభిమానులు ఎప్పుడు నుంచో చాలా ఆసక్తిగా ఎన్నో అంచనాలు పెట్టుకొని ఎదురు చూస్తున్నారు.
అయితే ఈ సినిమాలో మెగాపవర్ రామ్ చరణ్ కూడా చాలా కీలక పాత్ర చేస్తుండగా దర్శకుడు కొరటాల శివ ఈ సినిమాని తెరకెక్కించారు.
అయితే లేటెస్ట్ గా ట్రైలర్ లో రామ్ చరణ్ రోల్ అనుకున్న దానికన్నా ఎక్కువే ఉంటుంది అనే దానికన్నా ఓ రకంగా రామ్ చరణ్ సినిమాలో చిరు ఉన్నారా అనే భావన కలిగింది. దీనితో ఆల్రెడీ ఓవర్సీస్ లో ఈ సినిమా రిలీజ్ కి అన్ని పనులు జరిగిపోతుండగా అక్కడ నుంచి ఈ సినిమా రన్ పై ప్రముఖ విశ్లేషకులు ఈ సినిమా టోటల్ నిడివి కోసం చెబుతున్నారు.
ఈ సినిమా ఫస్ట్ నుంచి ఎండ్ కార్డ్స్ టైటిల్ వరకు కూడా మొత్తం 2 గంటల 46 నిముషాలు వచ్చిందట. అలాగే అందులో రామ్ చరణ్ నిడివి దాదాపు గంట ఉన్నా ఆశ్చర్యం లేదని అంటున్నారు ట్రేడ్ పండితులు. అలాగే మన ఇండియా వెర్షన్ కి దీనికి పెద్ద తేడా ఉండదు కాబట్టి ఒకటి రెండు నిముషాలు మాత్రమే తేడా ఉంటుందని చెప్పాలి.
మరి ఈ సినిమాలో మెగాస్టార్ సరసన కాజల్ అగర్వాల్ నటించగా రామ్ చరణ్ కి పూజా హెగ్డే నటించిన సంగతి తెలిసిందే. అలాగే ప్రపంచ వ్యాప్తంగా ఈ సినిమా ఏప్రిల్ 29న విడుదల కాబోతుంది.
అలాగే సంగీత బ్రహ్మ మణిశర్మ సంగీతం ఇచ్చిన ఈ సినిమా నుంచి లేటెస్ట్ గా వచ్చిన ఓ సాంగ్ అదరగొడుతుంది.