తెలుగు సినీ ప్రేక్షకులకు నటుడు నిర్మాత అయిన బండ్ల గణేష్ గురించి ప్రత్యేకంగా పరిచయం అక్కర్లేదు. తెలుగులో ఎన్నో సినిమాలలో క్యారెక్టర్ ఆర్టిస్ట్ గా, విలన్ గా నటించి నటుడిగా తనకంటూ ఒక ప్రత్యేకమైన గుర్తింపును ఏర్పరుచుకున్నాడు. ఇకపోతే బండ్ల గణేష్ పవర్ స్టార్ పవన్ కళ్యాణ్ కు వీరాభిమాని అన్న విషయం తెలిసిందే. పవర్ స్టార్ పవన్ కళ్యాణ్ కు సంబంధించిన ఎటువంటి వార్తలు వినిపించిన అందులో బండ్ల గణేష్ పేరు తప్పకుండా వినిపిస్తూ ఉంటుంది. పవన్ కళ్యాణ్ సినిమా విడుదల అవుతుంది అంటే చాలు ప్రమోషన్స్ లో ప్రీ రిలీజ్ ఈవెంట్ లలో బండ్ల గణేష్ హంగామా ఒక రేంజ్ లో ఉంటుంది.
ప్రస్తుతం బండ్లగణేష్ సినిమాలకు నిర్మాతగా వ్యవహరిస్తున్న విషయం తెలిసిందే. ఇప్పటివరకు నటుడిగా సినిమాల్లో నటించిన బండ్ల గణేష్ మొదటిసారిగా డేగల బాబ్జి అనే సినిమాతో హీరోగా ప్రేక్షకులను అలరించడానికి సిద్ధంగా ఉన్నాడు. బండ్ల గణేష్ నటించిన ఈ సినిమా త్వరలోనే ప్రేక్షకుల ముందుకు రానుంది. ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు చిత్ర బృందం. ఈ నేపథ్యంలోనే యాంకర్ సుమ హోస్ట్ గా వ్యవహరిస్తున్న క్యాష్ షోకి డేగల బాబ్జి చిత్ర బృందం హాజరయ్యారు.ఈ కార్యక్రమానికి బండ్ల గణేష్ తో పాటు దర్శకుడు వెంకట్ చంద్ర, నటుడు సమీర్ కూడా పాల్గొన్నారు.
ఈ కార్యక్రమంలో సుమ వారిపై పంచులు వేయడం వారు కూడా సుమకు పంచ్ లు వేస్తూ సందడి చేశారు. ఇకపోతే ఈ కార్యక్రమంలో భాగంగా బండ్ల గణేష్ ను ప్రశ్నిస్తూ మీకు కనుక దేవుడు ప్రత్యక్షమై వరం కావాలంటే ఏమి అడుగుతారు అని ప్రశ్నించగా.. ఇప్పుడు బండ్ల గణేష్ దేవుడు వరమిస్తే తాను పవన్ కళ్యాణ్ ముఖ్యమంత్రి కావాలని కోరుకుంటున్నానని ఆ తర్వాత నేను కూడా బాగుండాలని కోరుకుంటాను అంటూ సమాధానం ఇచ్చారు బండ్ల గణేష్. ఇందుకు సంబంధించిన ప్రోమో ప్రస్తుతం సోషల్ మీడియాలో తెగ వైరల్ అవుతోంది.