విజయ్ దేవరకొండ మీద 125 కోట్లు.. ఎంత ధైర్యం

How Puri Jagannadh spending 125 crores on Vijay Deverakonda

How Puri Jagannadh spending 125 crores on Vijay Deverakonda

సెన్సేషనల్ హీరో విజయ్ దేవరకొండ సినిమా సినిమాకు స్థాయిని పెంచుకుంటూ పోతున్నారు. టాలీవుడ్లో నాలుగైదు సినిమాలతోనే మంచి క్రేజ్ సంపాదించుకున్నాడు. చేసిన సినిమాల్లో ‘అర్జున్ రెడ్డి, గీత గోవిందం’ మాత్రమే హిట్ సినిమాలు. మిగతావన్నీ బాక్సాఫీస్ వద్ద పెద్దగా పెర్ఫార్మ్ చేసింది లేదు. ఇప్పటికీ విజయ్ మార్కెట్ స్థాయి ఏంటనేది ఖచ్చితంగా చెప్పలేం. అతని సినిమా ఖచ్చితంగా ఎంత ఓపెనింగ్స్ సాధిస్తుంది, హిట్ అయితే ఎంత, ఫ్లాప్ అయితే ఎంత వసూలు చేస్తుంది అనే విషయాల మీద క్లారిటీ లేదు. కానీ విజయ్ చుట్టూ మాత్రం సాలిడ్ మార్కెట్ ఉన్న స్టార్ హీరో అనే వాతావరణం నడుస్తూ ఉంటుంది.

అయితే దాన్ని కూడ తప్పని ఖండించలేం. ఎందుకంటే డాషింగ్ డైరెక్టర్ పూరి జగన్నాథ్ అతని మీద ఏకంగా ‘లైగర్’ సినిమా కోసం 125 కోట్ల బడ్జెట్ పెడుతున్నారు. బాలీవుడ్ నిర్మాత కరణ్ జోహార్ సైతం అందులో పాలుపంచుకుంటున్నారు. సినిమా పాన్ ఇండియా లెవల్లో ఉండబోతోంది. ఈ సినిమాతో విజయ్ నేషనల్ లెవల్ స్టార్ హీరోగా మారడం ఖాయం అంటున్నారు. మరి పూరి ఏ ధైర్యంతో దేవరకొండ మీద అంత పెద్ద మొత్తం పెట్టారో, ఎలా వెనక్కు రాబట్టవచ్చని అనుకుంటున్నారో అంచనా వేయలేకపోతున్నారు ట్రేడ్ అనలిస్టులు సైతం.