Hey Cheli Lyrical Song : తెలుగు బిగ్ బాస్ తో ఫేమస్ అయిన సయ్యద్ సొహైల్ రియాన్ హీరోగా రాబోయే థియేట్రికల్ రిలీజ్ ‘మిస్టర్ ప్రెగ్నెంట్’ లోని రొమాంటిక్ సాంగ్ ప్రోమో విడుదలైంది. శనివారం ఈ సాంగ్ ని యువ హీరో విశ్వక్ సేన్ ఆవిష్కరించారు. రియాన్ సరసన హీరోయిన్ రూపా కొడవాయుర్ లపై చిత్రీకరించిన పాటలు మంచి ప్రజాదరణని పొందుతున్నాయి.
ఇటీవల’కథ వేరుంటది’ లిరికల్ సాంగ్ విడుదలై మంచి వ్యూస్ సంపాదించుకుంది. తాజాగా ‘మిస్టర్ ప్రెగ్నెంట్’ లోని మరో లిరికల్ సాంగ్ ‘హే చెలి’ ని హీరో విశ్వక్ సేన్ విడుదల చేశారు.
‘హే చెలీ అడిగానే కౌగిలి, తియ్యగా తీరాలి ఈ చలి, హే సఖీ విరహాలు దేనికి, చేరవా అడుగేసి చెంతకి…’ అంటూ సాగే ప్రణయ గీతం మెలోడీ ప్రధానంగా వుంది. ఈ సాంగ్ విజువల్స్ లో సోహైల్, రూపాల బాండింగ్ బలీయంగా వుంది యూత్ ని మత్తెక్కెంచేలా.
అనురాగ్ కులకర్ణి అందమైన గాత్రం, దీనికి ఆహ్లాదకరమైన ట్యూన్‌తో కూడిన ఒక మనోహరమైన మెలోడీగా అలరిస్తుందీ పాట. ట్యూన్, గాత్రం, సాహిత్యం అన్నీ సమపాళ్ళల్లో సరితూగాయి. శ్రీమణి రాసిన ఈ సున్నిత సాహిత్యానికి శ్రవణ్ భరద్వాజ్ సునిశిత స్వరకల్పన.
మైక్ మూవీస్ బ్యానర్‌లో అన్నపరెడ్డి అప్పిరెడ్డి, రవిరెడ్డి సజ్జల నిర్మిస్తున్న మోడరన్ రొమాన్స్ కి కొత్త దర్శకుడు శ్రీనివాస్ వింజనంపాటి రూపకల్పన. త్వరలోనే ఈ సినిమా థియేటర్లలోకి రానుంది.