Remuneration: మామూలుగా సినిమాలలో రెమ్యునరేషన్ అందరికంటే ఎక్కువగా తీసుకునేది హీరో మాత్రమే. కొన్ని కొన్ని సినిమాలలో హీరోల కంటే దర్శకులే ఎక్కువగా తీసుకుంటూ ఉంటారు. మొదట హీరో ఆ తర్వాత హీరోయిన్, చివరగా విలన్ కు రెమ్యూనరేషన్ ఉంటుంది. హీరోతో పోల్చుకుంటే విలన్ రెమ్యూనరేషన్ చాలా తక్కువగా ఉంటుంది. కానీ ఇప్పుడు మనం తెలుసుకోబోయే ఈ విలన్ రెమ్యూనరేషన్ హీరో కంటే ఎక్కువగా ఉండడం గమనార్హం. ఇంతకీ ఆ హీరో ఎవరు ఆ సినిమా ఏది అన్న విషయానికి వస్తే.. బాలీవుడ్ నిర్మాత, నటుడు నితీష్ తివారి నిర్మిస్తున్న రామాయణం సినిమాకు సంబంధించి హీరోగా అంటే శ్రీరాముడిగా రణబీర్ కపూర్ ను ఎంపిక చేయగా అందులో మరో ప్రధాన పాత్రధారి అయిన రావణుడిగా కేజీఎఫ్ సిరీస్ హీరోగా చేసి బాక్సాఫీస్ కొల్లగొట్టిన కన్నడ స్టార్ యష్ కు హీరోకన్నా ఎక్కువే చెల్లిస్తున్నట్లు తెలుస్తోంది.
నటుడిగా ఇచ్చిన పారితోషికంతో బాటు డిస్ట్రిబ్యూషన్ హక్కులు అన్నీ కలిపి మొత్తం దాదాపుగా రూ. 200 కోట్ల వరకు యష్ కు ఇచ్చేనందుకు నితీష్ తివారీ అంగీకరించారట. ఇది హిందీ సూపర్ స్టార్లు అయినా సల్మాన్ ఖాన్, అమీర్ ఖాన్,షారూఖ్ ఖాన్ ల హీరోల పారితోషికం కన్నా ఎక్కువని తెలుస్తోంది. ఇటీవల ప్రభాస్ హీరోగా వచ్చిన కల్కి చిత్రంలో విలన్ గా నటించిన కమల్ హాసన్ కూడా రూ. 40 కోట్లలోపే తీసుకున్నారట. కానీ యష్ మాత్రం ఏకంగా రూ. 200 కోట్లు తీసుకోవడాన్ని చూసి బాలీవుడ్ సైతం షాక్ అయిందని అంటున్నారు. సల్మాన్ , షారూక్, అమీర్ ఖాన్లు సైతం ఇంతవరకూ హీరో పారితోషికంతో బాటు డిస్ట్రిబ్యూషన్ హక్కులు సైతం తీసుకుంటారు. ఓటీటీ స్ట్రీమింగ్ రైట్స్ వంటివి అన్నీ కలుపుకున్న వారికి ఇంతవరకూ రూ. 150 కోట్లు దాటలేదట.
కానీ తన అసాధారణ నటనతో కన్నడ బాక్సాఫీస్ కొల్లగొట్టిన యష్ మాత్రం విలన్ పాత్రకోసం ఏకంగా రూ. 200 కోట్లు తీసుకుంటున్నట్లు నితీష్ తివారి అఫీస్ వర్గాలు వెల్లడిస్తున్నాయి. ఇక సూపర్ స్టార్లు కూడా ఈ మార్కును టచ్ చేయలేదంటే ఇక రణబీర్ కపూర్ పారితోషికం ఈయనతో సరికిపోల్చడం కూడా కుదరదు అంటున్నారు. ఇక షారూక్ వంటి స్టార్లతో సమానంగా పారితోషికం తీసుకున్నది సౌత్ ఇండియాలో ముగ్గురే ఉన్నారు. రజనీకాంత్, విజయ్ తలపతి , అల్లు అర్జున్ మాత్రమే ఒక్కో సినిమాకు రూ. 200 కోట్లు తీసుకుంటున్నారట. మొత్తానికి మన సౌత్ ఇండియన్ నటుడు యష్ విలన్ పాత్రలో రెండు వందలకోట్ల పారితోషికం తీసుకుని బాలీవుడ్ హీరోలకు సవాల్ విసిరారు యష్. అంతేకాకుండా పెద్ద మొత్తంలో రెమ్యూనరేషన్ అందుకున్న విలన్ ల జాబితాలో మొదటి స్థానంలో యష్ నిలువనున్నాడు.