Bheemla Nayak completed : ఫిబ్రవరి 25న ‘భీమ్లానాయక్’ సినిమా విడుదల.. ఫిబ్రవరి 17న సినిమా షూటింగ్ పూర్తయ్యిందంటూ దర్శకుడు సాగర్ కె చంద్ర నుంచి ఓ ట్వీటు. వెరసి, పవన్ కళ్యాణ్ అభిమానులు కాస్త ఊపిరి పీల్చుకున్నారు. ఇంతకీ, ఫిబ్రవరి 25న సినిమా విడుదలవుతుందా.? లేదా.? మళ్ళీ అదో సస్పెన్స్.
అధికారిక ప్రకటన అయితే వచ్చిందిగానీ, సినిమా రిలీజ్ విషయంలో సందిగ్ధత కొనసాగుతోంది. అబ్బే, సినిమా ఫిబ్రవరి 25న విడుదల కావడంలేదు, సినిమా విడుదల వాయిదా పడింది.. అంటూ ఓ వైపు ‘భీమ్లానాయక్’పై నెగెటివ్ ప్రచారం బీభత్సంగా కొనసాగుతోంది.
ఇంకోపక్క, అమెరికాలో ‘భీమ్లానాయక్’ కోసం బుకింగ్స్ జోరందుకున్నాయి. తెలుగు నాట ‘భీమ్లానాయక్’ సందడి అప్పుడే పీక్స్కి వెళ్ళిపోయింది. ఇంతవరకు సినిమా ట్రైలర్ అయితే విడుదల కాలేదుగానీ, సినిమాపై పవన్ అభిమానుల హంగామా మాత్రం కనీ వినీ ఎరుగని స్థాయికి చేరిపోయింది.
పవన్ కళ్యాణ్ సినిమా అంటేనే అంత. ముందరి సినిమా రిజల్టుతో సంబంధం లేకుండా తదుపరి సినిమాకి హైప్ క్రియేట్ అవుతుంది. కాగా, ‘వకీల్ సాబ్’ కోవిడ్ సమయంలో విడుదలై, అనూహ్యంగా వంద కోట్ల క్లబ్బులోకి చేరిన విషయంవిదితమే.
మరిప్పుడు, ‘భీమ్లానాయక్’ విషయంలో ఏం జరుగుతుంది.? ఏపీలో సినిమా టిక్కెట్ల ధరలు తగ్గాయి, తెలంగాణలో టిక్కెట్ల ధరలు పెరిగాయి. తెలంగాణలో అయితే ‘భీమ్లానాయక్’ సినిమాకి ఇబ్బందుల్లేవ్. ఏపీలో మాత్రం సమస్యలు తప్పేలా లేవు.
ఏపీ ప్రభుత్వం నుంచి టిక్కెట్ల ధరలపై సానుకూల స్పందన వస్తుందని సినీ పరిశ్రమ ఆశగా ఎదురుచూస్తోందే తప్ప, ఆ శుభవార్త అయితే రాలేదు. వస్తే మాత్రం, ‘భీమ్లానాయక్’కి అడ్వాంటేజ్ అవుతుంది నిస్సందేహంగా.