ప్రముఖ కూచిపూడి నృత్య కళాకారిణి శోభానాయుడు కన్నుమూశారు. ఆమె వయసు 64 సంవత్సరాలు. కొన్ని రోజుల నుంచి అనారోగ్యంతో బాధపడుతున్న ఆమె చికిత్స పొందుతూ మరణించారు. హైదరాబాద్ లోని ఓ ప్రైవేటు ఆసుపత్రిలో ఆమె చికిత్స పొందుతూ.. మంగళవారం రాత్రి ఒంటి గంట సమయంలో తుది శ్వాస విడిచినట్టు ఆమె కుటుంబ సభ్యులు వెల్లడించారు. శోభా నాయుడు కొంత కాలంగా న్యూరోలాజికల్ సమస్యతో బాధపడుతున్నారు. అప్పటి నుంచి ఆమె దానికి చికిత్స తీసుకుంటున్నప్పటికీ.. అది నయం కాకపోవడంతో ఆసుపత్రిలోనే ఆమె మరణించారు.
శోభానాయుడు ఏపీలోని విశాఖ సమీపంలోని అనకాపల్లిలో జన్మించారు. 12 ఏళ్ల వయసులోనే ఆమె కూచిపూడి నాట్యం నేర్చుకోవడం ప్రారంభించారు. వెంపటి చినసత్యం దగ్గర శిష్యురాలిగా చేరి.. కూచిపూడి నేర్చుకున్నారు. తన కూచిపూడి ప్రదర్శనకు గుర్తింపుగా శోభానాయుడును 2001లో పద్మశ్రీ పురష్కారం వరించింది.
