సినిమా చిన్నదే అయినా ప్రమోషన్స్ పెద్దగా ఉంటే గట్టెక్కినట్టే. ఈరోజుల్లో అదే సక్సెస్ ఫార్ములా. ప్రమోషన్లు పెద్దగా ఉండలాంటే పెద్ద తలలు రంగంలోకి దిగాల్సిందే. అదే పని చేస్తున్నారు ‘ఏక్ మినీ కథ’ టీమ్. సంతోష్ శోభన్ హీరోగా నటించిన ఈ చట్టాన్ని యువీ క్రియేషన్స్ నిర్మించింది. యువీ క్రియేషన్స్ అంటే ప్రభాస్ హోమ్ బ్యానర్. పైగా సంతోష్ శోభన్ తండ్రి శోభన్ ప్రభాస్ కు ‘వర్షం’ లాంటి గ్రాండ్ హిట్ ఇచ్చారు. ఈ కారణాల రీత్యా ఈ చిన్న చిత్రాన్ని ప్రమోట్ చేయడానికి ప్రభాస్ ముందుకొచ్చారు. డైరెక్టర్ శోభన్ తనకిచ్చిన అమూల్యమైన విజయాన్ని గుర్తు చేసుకుంటూ సంతోష్ శోభన్ సినిమాను ప్రమోట్ చేశారు.
తాజాగా మెగా పవర్ స్టార్ రామ్ చరణ్ తేజ్ కూడ ఈ చిన్న చిత్రాన్ని ప్రమోట్ చేశారు. సినిమా ట్రైలర్ చూశానని, ఆసక్తికరంగా ఉందని అన్నారు. ఇలా ఇద్దరు పెద్ద హీరోలు సపోర్ట్ చేయడంతో వారి అభిమానులు సైతం సినిమా పట్ల పాజిటీవీని చూపిస్తున్నారు. త్వరలో అమెజాన్ ప్రైమ్ ఓటీటీ ద్వారా రిలీజ్ కానుంది ఈ చిత్రం. ప్రీరిలీజ్ బిజినెస్ కూడ బాగానే జరిగింది. 4.3 కోట్లతో నిర్మితమైన ఈ చిత్రం ఓటీటీ హక్కుల ద్వారా 9.3 కోట్లు, శాటిలైట్ హక్కుల ద్వారా 3.8 కోట్లు రాబట్టింది నిర్మాతలకు మంచి టేబుల్ ప్రాఫిట్స్ చూపించింది.