పవన్ సినిమా నుండి ఆయన బయటికి వెళ్లిపోయాడట !

DOP walked out of Pawan movies
DOP walked out of Pawan movies
ప్రజెంట్ పవన్ కళ్యాణ్ సాగర్ కె చంద్ర దర్శకత్వంలో ‘అయ్యప్పనుమ్ కోషియుమ్’ తెలుగు రీమేక్ చేస్తున్నారు.  ఇందులో దగ్గుబాటి రానా ఒక కీలక పాత్ర చేస్తున్నారు.  ఈ రీమేక్ మీద ప్రేక్షకుల్లో అంచనాలు గట్టిగానే ఉన్నాయి.  ఇందులో పవన్ పోలీస్ అధికారి పాత్రలో కనిపించనున్నారు.  ఇదొక సీరియస్ డ్రామా.  ఇలాంటి సినిమాను గతంలో పవన్ ఎన్నడూ చేయలేదు.  అందుకే అందరిలోనూ అంత ఆసక్తి.  చాలా తక్కువ టైమ్ పెట్టుకుని ఈ సినిమాను మొదలుపెట్టారు టీమ్.  కానీ లాక్ డౌన్ మూలంగా ఆలస్యం అయింది.  పవన్ ఇతర కమిట్మెంట్స్ మూలంగా ఆ ఆలస్యం ఇంకా పెరిగింది. 
 
దీంతో సినిమాకు పనిచేస్తున్న సినిమాటోగ్రఫర్ ప్రసాద్ మూరెళ్ల ప్రాజెక్ట్ నుండి తప్పుకున్నారట.  గతంలో ఆయన ఇతర సినిమాలకి కమిట్ అవ్వడం మూలంగానే ఈ ప్రాజెక్ట్ నుండి తప్పుకున్నట్టు తెలుస్తోంది.  మరి నిజంగానే ఆయన ఇతర సినిమాల కోసం తప్పుకున్నారా లేకపోతే వేరే ఏదైనా కారణం చేత సపరేట్ అయ్యారా అనేది తెలియాలంటే అఫీషియల్ కన్ఫర్మేషన్ వచ్చే వరకు ఆగాల్సిందే.  ఇకపోతే ఈ చిత్రాన్ని వచ్చే ఏడాది సంక్రాంతి బరిలో నిలపాలని చూస్తున్నారు నిర్మాతలు.  త్రివిక్రమ్ ఈ చిత్రానికి మాటలు, కథనం అందిస్తున్నారు.