Dj Tillu : బాక్సాఫీస్ : యూఎస్ లో షాకింగ్ వసూళ్లే కొల్లగొట్టిన “డీజే టిల్లు” సినిమా.!

By Aparna on

Dj Tillu : టాలీవుడ్ యంగ్ యాక్టర్లు సిద్ధూ జొన్నలగడ్డ హీరోగా ‘మెహబూబా’ ఫేమ్ నేహా శెట్టి హీరోయిన్ గా నటించిన లేటెస్ట్ చిత్రం “డీజే టిల్లు” ఇప్పుడు రిలీజ్ అయ్యింది. ఓ రకంగా అయితే ఈ రెండు నెలల్లో యూత్ ని బాగా అట్రాక్ట్ చేసి అదరగొట్టిన సినిమా ఇదే అని చెప్పాలి. దర్శకుడు విమల్ కృష్ణ తెరకెక్కించిన ఈ చిత్రం ట్రైలర్ తో మంచి హైప్ తెచ్చుకోగా రిలీజ్ టైం కి వచ్చే సరికి స్ట్రాంగ్ గా మారింది.

అయితే ఇక్కడ ఆశ్చర్యకర అంశం ఏమిటంటే ఈ చిత్రానికి ఓవర్సీస్ లో మన తెలుగు సినిమాలకి ఎంతో కీలకం అయినటువంటి యూఎస్ ఏ లో అదిరే వసూళ్లను కొల్లగొట్టి ట్రేడ్ వర్గాలకు షాకిచ్చింది. ఈ సినిమా జస్ట్ ప్రీమియర్ వసూళ్లతోనే ఏకంగా 100కె(1 లక్ష) డాలర్స్ ని అందుకున్నట్టుగా చిత్ర నిర్మాతలు కన్ఫర్మ్ చేశారు.

అంటే రిలీజ్ అయ్యిన మొదటి రోజుకి ముందే డీజే టిల్లు మన దేశపు కరెన్సీ ప్రకారం 75 లక్షలు వసూలు చేసేసింది. ఇది నిజంగా ఒక షాకింగ్ నెంబర్ అనే చెప్పాలి. దీనిని బట్టి ఈ సినిమాకి ఎలాంటి క్రేజ్ నెలకొందో అర్ధం చేసుకోవచ్చు. ఇక ఈ చిత్రానికి శ్రీచరణ్ పాకల సంగీతం అందివ్వగా తమన్ బ్యాక్గ్రౌండ్ స్కోర్ అందించాడు. అలాగే నాగవంశీ నిర్మాణం వహించారు.