Director Atlee: అట్లీ.. ఈ పేరు వినగానే ముందుగా గుర్తుకు వచ్చే సినిమా జవాన్. ఈ సినిమా ముందు వరకు చాలామందికి అట్లీ ఎవరు అన్న విషయం తెలియదు. ఈ సినిమాతో పాన్ ఇండియా లెవెల్ లో గుర్తింపు తెచ్చుకున్నారు డైరెక్టర్ అట్లీ. బాలీవుడ్ స్టార్ హీరో షారుక్ ఖాన్, హీరోయిన్ లు నయనతార, దీపికా పదుకొనే కలిసిన నటించిన ఈ సినిమా దాదాపుగా 1000 కోట్లకు పైగా వసూలను రాబట్టి సరికొత్త రికార్డులు సృష్టించిన విషయం తెలిసిందే. ఈ సినిమా తర్వాత అట్లీ రూపొందించి తదుపరి సినిమాలపై భారీగా అంచనాలు నెలన్నాయి. ఇది ఇలా ఉంటే తాజాగా మరొక సినిమాను ప్రకటించారు డైరెక్టర్ అట్లీ. ప్రస్తుతం ఏ6 అనే వర్కింగ్ టైటిల్ మీద ఈ చిత్రాన్ని తెరకెక్కించనున్నారు.
ఈ చిత్రంలో సల్మాన్ ఖాన్ ప్రధాన పాత్రలో నటించనున్నారు. ప్రస్తుతం అట్లీ బేబీ జాన్ ప్రమోషన్‌లో బిజీగా ఉన్న విషయం తెలిసిందే. నిర్మాతగా ఆయన నిర్మించిన మొదటి సినిమా ఇదే. ఈ సినిమాతో త్వరలోనే ప్రేక్షకులను పలకరించనున్నారు. ఈ సినిమాకు కాలీస్ దర్శకత్వం వహించిన విషయం తెలిసిందే. తమిళంలో సూపర్ హిట్ అయినా తెరి సినిమాకు రీమేక్ గా ఈ సినిమాను తెరకెక్కించారు. ఇందులో వరుణ్ ధావన్, కీర్తి సురేష్ కీలకపాత్రలు పోషించారు. డిసెంబర్ 25న సినిమా విడుదల కానుంది. ఈ క్రమంలోనే ఈ సినిమా ప్రమోషన్స్ లో భాగంగా డైరెక్టర్ అట్లీ మాట్లాడుతూ.. A6 చిత్రానికి చాలా సమయం, శక్తి అవసరం. స్క్రిప్ట్ చివరి దశలో ఉన్నాము. దేవుడి దయ వల్ల త్వరలోనే పెద్ద ప్రకటన వెలువడనుంది అని అన్నారు అట్లీ.
నటీనటుల ద్వారా అందరినీ ఆశ్చర్యపరచబోతున్నాను. మీరు అనుకుంటున్నది నిజమే అయితే సల్మాన్ ఖాన్ తో రూపొందించే ఈ సినిమా కచ్చితంగా భారతదేశం గర్వించదగ్గ సినిమా అవుతుంది. మాకు చాలా ఆశీర్వాదాలు, ప్రార్థనలు కావాలి. ప్రస్తుతం పాత్రల ఎంపిక జరుగుతోంది. మరికొద్ది వారాల్లో అంతా ఫైనలైజ్ అవుతుంది అని చెప్పుకొచ్చారు అట్లీ. ఈ సందర్భంగా అట్లీ చేసిన వ్యాఖ్యలు సోషల్ మీడియాలో వైరల్ అవ్వడంతో పాటు త్వరలోనే మొదలు కాబోతున్న ఆ సినిమాపై అంచనాలను తన మాటలతో భారీగా పెంచేశారు అట్లీ. ఇకపోతే ఆ సినిమాలో రజనీ లేదా కమల్ హాసన్ ప్రధాన పాత్రలో నటించే అవకాశం ఉందని టాక్ నడుస్తోంది. ప్రస్తుతం నటీనటుల గురించి అట్లీ చెప్పిన వివరాలు ఆసక్తికరంగా ఉన్నాయి. జవాన్ మూవీ తర్వాత కాస్త విరామం తీసుకున్న ఆయన ఏ సినిమా చేయలేదు. ఇప్పుడు ఏఆర్ అనే ఒక సినిమాను తెరకెక్కించడానికి సిద్ధమవుతున్నారు.