Yash: కన్నడ స్టార్ హీరో యశ్ గురించి మనందరికీ తెలిసిందే. యశ్ పేరు వినగానే ముందుగా గుర్తుకువచ్చే సినిమా కేజిఎఫ్. ఈ ఒక్క సినిమాతో పాన్ ఇండియా రేంజ్ లో గుర్తింపు తెచ్చుకున్నారు హీరో యశ్. కాగా ఈ సినిమా విడుదల అయ్యి ఎంత హిట్ అయ్యిందో మనందరికి తెలిసిందే. ఈ సినిమాతో ఒక్కసారిగా యశ్ పాన్ స్టార్ అయ్యాడు. కేజీఎఫ్ సినిమాతో విడుదలైన అన్ని భాషల్లో యష్ కు ఫ్యాన్ ఫాలోయింగ్ పెరిగింది.
అయితే ఈ సినిమా తర్వాత విడుదలైన కేజీఎఫ్ 2 కూడా భారీ విజయాన్ని అందుకుంది. ఇక ఇప్పుడు టాక్సిక్ అనే సినిమాలో నటిస్తున్నాడు. ఈ సినిమాలు నలుగురు హీరోయిన్స్ నటిస్తున్నారని టాక్ వినిపిస్తుంది. అలాగే లేడీ సూపర్ స్టార్ నయనతార కూడా ఈ సినిమాలో నటిస్తుందని అంటున్నారు. ఇదిలా ఉంటే ఒక హీరోయిన్, యశ్ తల్లిపై షాకింగ్ కామెంట్స్ చేసింది. నా గురించి మాట్లాడే హక్కు మీకు లేదు అంటూ స్ట్రాంగ్ కౌంటర్ ఇచ్చింది. అసలేం జరిగిందంటే.. యశ్ తల్లి పుష్ప నిర్మాతగా మారి సినిమాలు చేస్తున్న విషయం తెలిసిందే. అయితే మొన్న ఆ మధ్య ఆమె కొత్తలవాడి అనే సినిమాను తెరకెక్కించారు. ఆగస్టు 1న విడుదలైన ఈ సినిమా బాక్సాఫీస్ దగ్గర డిజాస్టర్ గా నిలిచింది.
ఈ సినిమా రిలీజ్ సమయంలో ఆమె చేసిన కొన్ని కామెంట్స్ వివాదానికి దారి తీశాయి. ఒక ఇంటర్వ్యూలో యశ్ తల్లి పుష్పను యాంకర్ ప్రశ్నిస్తూ.. మీ తర్వాత సినిమాలో దీపికా దాస్ ను హీరోయిన్ గా ఎంపిక చేశారా అని ప్రశ్నించగా ఎందుకు ఆమె పేరు పదే పదే చెప్తారు.. ఆమె ఏమైనా స్టార్ హీరోయినా ఆమె స్టార్ హీరోయిన్ కాదు. అసలు దీపికా ఏం సాధించిందని తీసుకోవాలని అనేసింది. దాంతో ఈ కామెంట్స్ వివాదానికి దారి తీశాయి. తాజాగా ఈవివాదం పై దీపికా దాస్ స్పందించింది. ఒక ఇంటర్వ్యూలో పాల్గొన్న ఆమె దీని గురించీ మాట్లాడుతూ.. నేను హీరోయిన్ గా ఇండస్ట్రీలో నాకంటూ ఒక ప్రత్యేక స్థానం సంపాదించుకున్నాను. నేను ఎవరి సాయం తీసుకొని ఈ స్థాయికి రాలేదు. అవతల ఉన్నది మా మ్మ ఐనాపుష్పమ్మ అయినా సరే నా గురించి చేడుగా మాట్లాడే హక్కు వారికి లేదు. కొత్త వారికి అవకాశాలు ఇచ్చే ముందు వారికి గౌరవం ఇవ్వడం నేర్చుకోవాలి. నోటికొచ్చినట్టు మాట్లాడకూడదు అంటూ గట్టిగానే కౌంటర్ ఇచ్చింది.