Balayya’s Akhanda : గత ఏడాది తెలుగు బాక్సాఫీస్ దగ్గర సంచలన విజయాలు నమోదు చేసిన భారీ హిట్ సినిమాల్లో నందమూరి నటసింహ నందమూరి బాలకృష్ణ హీరోగా నటించిన భారీ సినిమా “అఖండ” కూడా ఒకటి.
బాలయ్య మరియు దర్శకుడు బోయపాటి శ్రీను కాంబినేషన్ లో తెరకెక్కిన హ్యాట్రిక్ సినిమా ఇది కావడంతో ముందు నుంచే పెను అంచనాలు ఈ సినిమాపై నెలకొనగా వాటిని తీసిపోకుండా ఈ సినిమా బాక్సాఫీస్ దగ్గర భారీ హిట్ గా నిలిచిపోయింది.
మరి ఇప్పుడు మరోసారి ఈ సినిమా తెలుగు ఆడియెన్స్ ని అలరించడానికి సిద్ధం అవుతుంది. తెలుగులో ఫస్ట్ టైం ఈ సినిమా టెలికాస్ట్ అయ్యేందుకు ముహూర్తం ఖరారు చేసుకుంది.
ప్రముఖ ఛానెల్ స్టార్ మా లో ఈ సినిమా వచ్చే ఆదివారం వరల్డ్ టెలివిజన్ ప్రీమియర్ గా టెలికాస్ట్ చేస్తున్నట్టు ఇప్పుడు కన్ఫర్మ్ చేశారు. అంటే ఏప్రిల్ 10 న ఈ సినిమా సాయంత్రం 6 గంటలకి టెలికాస్ట్ కానుందట.
ఇక బుల్లితెరపై బాలయ్య బ్లాస్టర్ ఎలా ఉంటుందో చూడాల్సిందే. చాలా కాలం తర్వాత ఓ టాలీవుడ్ సినిమాకు కనీ వినీ ఎరుగని రీతి విజయాన్ని పట్టం కట్టారు తెలుగు ఆడియెన్స్. ఇక ఫస్ట్ టైం టెలివిజన్ పై వస్తుంది కాబట్టి భారీ టిఆర్పీ వచ్చే అవకాశం ఉంది.
ఇక ఈ సినిమాలో ప్రగ్యా జైస్వాల్ హీరోయిన్ గా నటించగా శ్రీకాంత్, పూర్ణ తదితరులు కీలక పాత్రల్లో నటించారు. అలాగే థమన్ సంగీతం అందించిన ఈ సినిమాని ద్వారకా క్రియేషన్స్ వారు నిర్మాణం వహించారు.