Artist Annie: ఆయన అడుగు పెడితేనే థియేటర్ మొత్తం బ్లాస్ట్ అవుతూ ఉంటుంది.. ఇంతకీ ఆయనెవరో తెలుసా అంటోంది చైల్డ్ ఆర్టిస్ట్ ఆనీ. ఆయన నుంచి నేర్చుకునేది చాలా ఉంటుంది, కానీ ఇప్పటి వరకు ఆయనతో కలిసి పని చేసే అవకాశం రాలేదని ఆనీ వాపోయారు. అదేంటో తెలియదు గానీ పవన్ కల్యాణ్ అంటేనే ఒక వైబ్ అని, మ్యాన్ ఆఫ్ మాసెస్ ఆయన అని ఆమె కొత్త బిరుదులు ఇచ్చారు. దాన్ని ఆయన తన కళ్లల్లో చూపిస్తూ ఉంటారని ఆమె తెలిపారు. అది ఎలాంటిదైనా సరే అని, దాన్ని చూసి తాను కళ్లతో ఎలా భావం వ్యక్తీకరించాలి అనే విషయం నేర్చుకుంటానని ఆమె స్పష్టం చేశారు.
ఇకపోతే మహేష్ బాబు గారు ఏజ్ ఎంతైనా గానీ యంగ్‌గా ఎలా కనిపించాలి అనేది ఆయన్ని చూసి నేర్చుకోవాలి అని ఆనీ చెప్పారు. అసలు ఆయన అది ఎలా మెయింటైన్ చేస్తున్నారో తెలియదు గానీ, ఈ ఇండస్ట్రీలో అది చాలా ఇంపార్టెంట్ అని ఆమె తెలిపారు.
ఇదిలా ఉండగా పాన్ ఇండియా స్టార్ అయినా కూడా కొన్ని ఇంటర్వ్యూలలో ఆయన మాట్లాడే విధానం చూస్తే ఇంకా చిన్న పిల్లాడిలానే కనిపిస్తారని, ఆయనే రెబల్ స్టార్ ప్రభాస్ అని ఆమె వివరించారు. ఆయన చాలా కింద నుంచి వచ్చారని ఆమె తెలిపారు. మన పర్సనల్ క్యారెక్టర్ ఎలా ఉన్నా గానీ, మనలో ఉన్న పసితనాన్ని మాత్రం ఎక్కడా తగ్గకుండా, ఆ గర్వం లేకుండా ఉండే గుణాన్ని ప్రభాస్‌ను చూసి నేర్చుకోవచ్చని ఆనీ స్పష్టం చేశారు.