కాలిఫోర్నియా కాల్పులు.. ఆరుగురు పౌరుల మృతి!

అమెరికాలోని కాలిఫోర్నియా మరోసారి కాల్పులతో దద్దరిల్లింది. శాక్రమెంటో నగరంలో ఆదివారం తెల్లవారుజామున గుర్తుతెలియని దుండగుడు కాల్పులు జరపడంతో ఆరుగురు పౌరులు మృతిచెందారు. మరో తొమ్మిది మంది గాయపడ్డారు. శాక్రమెంటో పోలీసులు ఘటనా స్థలానికి చేరుకొని క్షతగాత్రులను ఆసుపత్రులకు తరలించారు. ఆ ప్రాంతంలో కర్ఫ్యూను విధించారు. అయితే ఈ కాల్పులకు తెగబడింది ఎవరనేది స్పష్టమైన సమాచారం లేదు. ఈ ఘటనకు సంబంధించి పూర్తి వివరాలు తెలియాల్సి ఉంది.