క్షణాల్లో చావును తప్పించుకున్నవాళ్లను చూసే ఉంటారు కదా. ఉదాహరణకు రోడ్డు యాక్సిడెంట్ల నుంచి ఇతర ప్రమాదాల నుంచి క్షణాల్లో తప్పించుకున్నవాళ్లు ఉంటారు. తప్పించుకుంటే బతుకుతారు.. లేదంటే ప్రాణాలు పోగొట్టుకోవడమే.
ఇప్పుడు మీరు చూడబోయే వీడియో కూడా అటువంటిదే. ఓ ఎత్తు తన ప్రతాపాన్ని ఓ వృద్ధ మహిళ మీద చూపించింది. ఆ ముసలావిడ రోడ్డు మీద నడుచుకుంటూ వెళ్తుండగా… అక్కడే ఉన్న ఎద్దు.. ఆమెపై దాడి చేసింది. ఈడ్చిపారేసింది. దీంతో ఆ మహిళకు ఏం చేయాలో అర్థం కాలేదు. కాపాడండి.. అంటూ అరవడంతో అక్కడే ఉన్న తన మనవడు… వచ్చి తనను కాపాడబోయే సరికి.. ఆ ఎద్దు.. ఆ పిల్లాడిపై కూడా తన ప్రతాపాన్ని చూపించింది. కొమ్ములతో నెట్టేస్తూ.. కాళ్లతో తన్నింది. అయినప్పటికీ.. ఆ పిల్లాడు పట్టువదలని విక్రమార్కుడిలా.. తన బామ్మను కాపాడే ప్రయత్నం చేశాడు. ఓవైపు ఎద్దు తనపై దాడి చేస్తున్నా పట్టించుకోలేదు. బామ్మను కాపాడటం కోసం తన ప్రాణాను సైతం లెక్కచేయలేదు. బామ్మను పట్టుకొని అక్కడి నుంచి పారిపోవడానికి ప్రయత్నించినప్పటికీ.. ఆ ఎద్దు మరోసారి ఇద్దరిపై దాడి చేసింది.
ఇంతలో ఇరుగుపొరుగు అక్కడికొచ్చి ఆ ఎద్దును అక్కడి నుంచి తరిమేయడంతో అంతా ఊపిరి పీల్చుకున్నారు. ఎద్దు దాడిలో.. బామ్మ, మనవడితో పాటు మరో వ్యక్తికి కూడా గాయాలయ్యాయి. ఇక.. ఈ ఘటన అక్కడే ఉన్న సీసీటీవీ కెమెరాలో రికార్డవడం, ఆ వీడియోను సోషల్ మీడియాలో పోస్ట్ చేయడంతో.. నెటిజన్లు బామ్మను కాపాడిన మనవడిని మెచ్చుకోకుండా ఉండలేకపోయారు. ప్రస్తుతం ఆ వీడియో సోషల్ మీడియాలో చక్కర్లు కొడుతోంది.
(Video Credits: ANI)