RRR Box Office Report : మళ్ళీ చాలా కాలం తర్వాత అన్ని భాషల్లో కూడా కనీ వినీ ఎరుగని రీతి భారీ అంచనాల నడుమ విడుదల అయ్యిన మోస్ట్ అవైటెడ్ పాన్ ఇండియా సినిమా ట్రిపుల్ ఆర్(RRR). దర్శకుడు రాజమౌళి మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ లతో చేసిన ఈ మ్యాజికల్ బిగ్గెస్ట్ హంగామా ఫైనల్ గా ప్రపంచ వ్యాప్తంగా థియేటర్లు ద్వారా ప్రేక్షకులు ముందుకు వచ్చింది.
మరి ఇది రావడంతోనే అసలు ఈ చిత్రం ఎలాంటి వసూళ్లను కొల్లగొడుతుంది అనేది కూడా అందరిలో చాలా ఆసక్తిగా ఉన్న ప్రశ్న అయితే ఆల్రెడీ అన్ని ప్రాంతాల్లో కూడా రికార్డు నంబర్లను నమోదు చేస్తున్న ఈ సినిమా ఓవర్సీస్ వసూళ్లు మొదటి రోజుకి సంబంధించిన వివరాలు తెలుస్తున్నాయి.
బిగ్గెస్ట్ మార్కెట్ అయినటువంటి యూఎస్ లో చూసినట్టు అయితే ఈ చిత్రం ప్రీమియర్స్ మరియు ఫస్ట్ డే కి కలిపి ఏకంగా 5 మిలియన్ డాలర్స్ ని వసూలు చేసింది. దీనితో బిగ్గెస్ట్ ఎవర్ ఇండియా రికార్డు నమోదు అయ్యింది. అంటే సుమారు ఈ చిత్రం యూఎస్ లో 38 కోట్ల 13 లక్షలకి పైగా సాధించింది.
ఇక లాగే ఆస్ట్రేలియా బాక్సాఫీస్ కి వస్తే అక్కడ కూడా మొదటి రోజు 1 మిలియన్ డాలర్స్ మార్క్ ని క్రాస్ చేసిందట(ప్రీమియర్స్&డే 1) అంటే అక్కడ నుంచి 5 కోట్ల 73 లక్షలుకి పైగా అందుకుంది. ఇక న్యూజిలాండ్ విషయానికి వస్తే అక్కడ సుమారు 70 వేల డాలర్స్ ని అందుకోగా మన కరెన్సీ ప్రకారం సుమారు 37 లక్షల 30 వేలు అందుకుంది.
దీనితో మొత్తంగా కలిపి ఈ చిత్రం ఒక్క ఓవర్సీస్ మార్కెట్ లోనే ఫస్ట్ డే 44 కోట్ల 23 లక్షల రూపాయలు వసూలు చేసింది. ఇదొక హ్యుజ్ రికార్డు అని చెప్పాలి. మరి తెలుగు రాష్ట్రాలు ఇండియాలో వసూళ్ల వివరాలు ఇంకా రావాల్సి ఉంది.