RRR Movie 5 Days World Wide Collection : అప్పుడు “బాహుబలి 2” తర్వాత మళ్ళీ ఇప్పుడు భారీ స్థాయిలో ఇండియన్ సినిమా పేరు ఓ రేంజ్ లో వినిపిస్తున్న సినిమా పేరు ట్రిపుల్ ఆర్(RRR). మాస్ హీరోలు మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లు హీరోలుగా నటించగా దర్శకుడు ఎస్ ఎస్ రాజమౌళి తెరకెక్కించారు.
దాదాపు నాలుగేళ్ల నుంచి ఎదురు చూస్తున్న ఈ సినిమా ఫైనల్ గా రిలీజ్ అయ్యి బాక్సాఫీస్ దగ్గర సెన్సేషనల్ హిట్ కాగా ప్రపంచ వ్యాప్తంగా కూడా ఈ చిత్రం భారీ వసూళ్లు నమోదు చేస్తూ వెళ్తుంది. మరి ఇప్పుడు ఈ సినిమా విడుదల అయ్యినటువంటి 5 రోజుల వసూళ్ల వివరాలు తెలుస్తున్నాయి.
ఈ ఐదు రోజుల్లో ఈ సినిమా ఏకంగా 600 కోట్ల మార్క్ ని క్రాస్ చేసిందట. ఎక్కడెక్కడ ఈ సినిమా వసూళ్లు ఎలా ఉన్నాయి అంటే తెలుగు రాష్ట్రాల్లో ఈ చిత్రం 167.9 కోట్లు షేర్ 240 కోట్ల గ్రాస్ ని అందుకోగా హిందీలో 107 కోట్ల మార్క్ ని క్రాస్ చేసింది. అలాగే ఇతర రాష్ట్రాల్లో కలిపి మరో 100 కోట్లకి పైగా వసూలు చేసిందట.
దీనితో ఒక్క ఇండియాలోనే 475 కోట్లకి పైగా వసూలు చెయ్యగా ఓవర్సీస్ మార్కెట్ లో ఈ చిత్రం 130 కోట్లకి పైగా వసూలు చేసినట్టు తెలుస్తుంది. దీనితో ఓవరాల్ గా ఈ చిత్రం 600 కోట్ల గ్రాస్ ని క్రాస్ చేసి 350 కోట్లకి పైగా షేర్ ని రాబట్టినట్టు తెలుస్తుంది.
మొత్తంగా అయితే ఈ భారీ సినిమా మంచి వసూళ్లనే అందుకొంది. కానీ ఇంకా రాబట్టాల్సింది అయితే చాలా ఉంది. అదంతా ఎప్పుడు రికవర్ అవుతుందో చూడాలి.