మైక్రోసాఫ్ట్ అధినేత ప్రపంచంలో అత్యంత ధనికుడైన బిల్ గేట్స్ గురించి తెలియని వారంటూ ఉండరు. అంత గొప్ప వ్యక్తిని కలవాలని అందరికీ ఆశ ఉంటుంది. కానీ ఆ అదృష్టం కొద్ది మందికి మాత్రమే ఉంటుంది. తాజాగా టాలీవుడ్ స్టార్ హీరో సూపర్ స్టార్ మహేష్ బాబు ఆయన భార్య నమ్రత ప్రపంచ కుబేరుడు బిల్ గేట్స్ ని కలిశారు. ఈ క్రమంలో ఆయనతో దిగిన ఫోటోలను కూడా నమ్రత సోషల్ మీడియాలో షేర్ చేసింది. ఇటీవల మహేష్ అభిమానులు పండగ చేసుకునే విషయం ఒకటి తెలిసింది.
మహేష్ బాబు బిల్ గేట్స్ ని కలవడమే గొప్ప అదృష్టం అనుకుంటే.. అలాంటిది స్వయంగా ఆయనే మహేష్ బాబుని ఫాలో అవుతున్నాడు అంటే ఇక మహేష్ అభిమానులు సంబరాలు జరుపుకుంటారు. ప్రపంచంలో ఎంతోమంది ప్రముఖులు ఉండగా బిల్ గేట్స్ ట్విట్టర్ లో కేవలం 433 మందిని మాత్రమే ఫాలో అవుతున్నాడు. ఆ 433 మందిలో సూపర్ స్టార్ మహేష్ బాబు కూడా ఒకరు. కంప్యూటర్ సాఫ్ట్వేర్ తో ప్రపంచాన్ని కొత్త పుంతలు తొక్కించిన ప్రముఖ సాఫ్ట్వేర్ దిగ్గజం.. ప్రపంచ కుబేరుడు అయిన బిల్ గేట్స్ ట్విట్టర్ లో మహేష్ బాబుని ఫాలో అవ్వటంతో ఇప్పుడు ఈ వార్త నేషనల్ వైడ్ హార్ట్ టాపిక్ గా మారింది. ఈ విషయం తెలుసుకున్న మహేష్ అభిమానులు అది మా హీరో రేంజ్ అంటూ కాలర్ ఎగరేస్తున్నారు.
ఇదిలా ఉండగా మహేష్ బాబు సినిమాల విషయానికి వస్తే.. ఇటీవల మహేష్ నటించిన “సర్కారు వారి పాట” సినిమాతో బ్లాక్ బస్టర్ హిట్ అందుకున్నాడు . ప్రస్తుతం మహేష్ బాబు మాటల మాంత్రికుడు త్రివిక్రమ్ దర్శకత్వంలో సినిమా చేయబోతున్నాడు. ఇప్పటికే వీరిద్దరి కాంబినేషన్ లో వచ్చిన అతడు, ఖలేజా వంటి సినిమాలు బాక్స్ ఆఫీస్ వద్ద మంచి హిట్ అందుకున్నాయి. తాజాగా వీరిద్దరి కాంబినేషన్ లో వస్తున్న మూడవ సినిమా మీద ప్రేక్షకులు భారీ స్థాయిలో అంచనాలు పెట్టుకున్నారు. తొందర్లోనే ఈ సినిమా షూటింగ్ మొదలుకానున్నట్లు సమాచారం.