RRR : ప్రస్తుతం ప్రపంచ వ్యాప్తంగా ఉన్న ప్రతి ఒక్క భారతీయుడు ఎంతో ఆసక్తిగా ఎదురు చూస్తున్న భారీ పాన్ ఇండియన్ సినిమా ట్రిపుల్ ఆర్(RRR). మెగాపవర్ స్టార్ రామ్ చరణ్ అలాగే యంగ్ టైగర్ ఎన్టీఆర్ లతో దర్శక దిగ్గజం రాజమౌళి తీసిన ఈ మాగ్నిఫిసెంట్ మాసివ్ థ్రిల్లర్ కోసమే అంతా ఆసక్తిగా ఎదురు చూస్తున్నారు.
ఇక ఇదిలా ఉండగా సినిమా రిలీజ్ కి ఇంకా కొన్ని రోజులు మాత్రమే గ్యాప్ ఉండడంతో మరిన్ని ఆసక్తికర విషయాలు ఈ సినిమాపై తెలుస్తున్నాయి. అలా లేటెస్ట్ గా ఏఈ సినిమా వరల్డ్ వైడ్ రిలీజ్ కి సంబంధించి ఆసక్తికర సమాచారం ఒకటి తెలుస్తుంది.
ఈ సినిమాని ఆల్రెడి భారతదేశంలో ఏ సినిమా కూడా రిలీజ్ చేయనన్ని థియేటర్స్ లో రిలీజ్ చేయనున్న సంగతి తెలిసిందే. అయితే మరి ఈ రిలీజ్ ఒక్క 5 భాషల్లో ఉండదట. ఏకంగా 7 భాషల్లో ఉందని కన్ఫర్మ్ అయ్యింది. అలానే ఇంకో ఆసక్తికర అంశం ఏమిటంటే ఈ సినిమాని ఇంగ్లీష్ లో కూడా డబ్ చేసి రిలీజ్ చేస్తున్నారని తెలుస్తుంది.
ఇది మాత్రం ఇంకో స్థాయి అని చెప్పాలి. మొత్తానికి మాత్రం రాజమౌళి తన సినిమాని పాన్ వరల్డ్ లెవెల్ చేసేసారు. ఇక ఈ భారీ సినిమా ఎలా ఉంటుందో తెలియాలి అంటే ఇంకొన్ని రోజులు ఆగితే సరిపోతుంది.