RRR OTT Deal : కోవిడ్ మూడో వేవ్ అత్యంత తీవ్రంగా వుండబోతోందన్న అంచనాల నడుమ, ‘ఆర్ఆర్ఆర్’ భవిష్యత్తేంటన్న చర్చ సర్వత్రా జరుగుతోంది. ‘రాధేశ్యామ్’ పరిస్థితి కూడా ఇంతే. అయితే, ‘రాధేశ్యామ్’ ప్రమోషన్లు పెద్దగా జరగకముందే కోవిడ్ భయాలు షురూ అయ్యాయి. దాంతో, ‘ఆర్ఆర్ఆర్’తో పోల్చితే, ‘రాధేశ్యామ్’ కాస్త బెటర్ పొజిషన్లో వుందని చెప్పొచ్చు.
కాగా, ఇటు ‘ఆర్ఆర్ఆర్’ అలాగే అటు ‘రాధేశ్యామ్’.. ఈ రెండు సినిమాలపైనా ఓటీటీ నుంచి విపరీతమైన ఒత్తిడి పెరుగుతోంది. అత్యంత విశ్వసనీయ వర్గాల సమాచారం ప్రకారం, కనీ వినీ ఎరుగని స్థాయిలో అతి పెద్ద ఓటీటీ డీల్ ‘ఆర్ఆర్ఆర్’ ముందుకు వచ్చిందట. అయితే, ఈ విషయమై రాజమౌళి ఎటూ తేల్చుకోలేకపోతున్నాడని సమాచారం.
వాస్తవానికి, సినిమా తెరకెక్కించడం వరకే దర్శకుడి పని. కానీ, రాజమౌళి లెక్కలు వేరేలా వుంటాయ్. సినిమా మొదలు పెట్టినప్పటినుంచి థియేటర్లలో విడుదల చేసేదాకా, ఆ తర్వాత కూడా రాజమౌళి.. ఆ సినిమాకి అన్నీ తానే అయి వ్యవహరిస్తాడు. రాజమౌళి మార్కెటింగ్ స్కిల్స్ అలాంటివి. మేకింగ్ ప్లస్ మార్కెటింగ్.. ఈ రెండిటిలోనూ జక్కన్న రూటే సెపరేటు.
దేశంలోని దాదాపు అన్ని ప్రధాన నగరాల్లోనూ ‘ఆర్ఆర్ఆర్’ ప్రమోషనల్ ఈవెంట్లు నిర్వహించారు. వీటి కోసం భారీగా ఖర్చు చేశారు కూడా. ఇంకో రెండు మూడు నెలలపాటు థియేటర్లలో సినిమాలు పూర్తిస్థాయిలో ప్రదర్శితమయ్యే పరిస్థితి కనిపించడంలేదు. సో, ‘ఆర్ఆర్ఆర్’ మళ్ళీ సరైన డేట్ సెట్ చేసుకోవాలంటే అది అంత తేలికైన వ్యవహారం కాదు.
అందుకే, ఓటీటీ నుంచి వస్తోన్న బెస్ట్ డీల్ విషయంలో కాస్త టెంప్ట్ అవక తప్పని పరిస్థితి. రాజమౌళి ‘సై’ అంటే, అతి త్వరలో ఓటీటీ బిగ్ డీల్ విశేషాలు బయటకు వచ్చే అవకాశముంది. కానీ, ‘ఆర్ఆర్ఆర్’ లాంటి సినిమాని వెండితెరపై చూస్తేనే ఆ కిక్కు.. అన్న కోణంలో రాజమౌళి సహా, ‘ఆర్ఆర్ఆర్’ టీమ్ అంతా వుంది.