Bhimla Nayak: పవర్ స్టార్ పవన్ కళ్యాణ్ ప్రస్తుతం తన రాబోయే చిత్రం ‘భీమ్లా నాయక్’ షూటింగ్ లో బిజి బిజీగా ఉన్నారు. వికారాబాద్‌లోని మదనపల్లె గ్రామంలో సాగర్‌ కె చంద్ర దర్శకత్వం వహిస్తున్న ఈ చిత్రానికి తాజా షెడ్యూల్‌ చిత్రీకరణ ప్రారంభమైంది. ఎల్లమ్మ గుడి దగ్గర షూటింగ్ మొదలైంది. దగ్గుబాటి రానా, నిత్యామీనన్‌లతో కలిసి సెట్‌లో పాల్గొనేందుకు పవన్ కళ్యాణ్ షూటింగ్ లొకేషన్‌కు చేరుకున్నారు.
పవన్ కళ్యాణ్ హాజరవుతారనే ప్రకటనతో చుట్టుపక్కల గ్రామాల నుంచి కూడా స్థానికులు పెద్ద ఎత్తున తరలివచ్చారు. పవన్ కళ్యాణ్‌ని పవర్ స్టార్ అని పిలిచారు. పవర్ స్టార్, పవర్ స్టార్ అంటూ నినాదాలు చేస్తూ.. పెద్ద ఎత్తున అక్కడకు చేరుకున్నారు. కారును కాసేపు ఆపి అతడు అందరికీ అభివాదం చేశాడు. ఇక ఈ చిత్రం సంక్రాంతి పండుగ రేసులో జనవరి 12, 2022న విడుదల కానుంది.
ఎలాంటి ఆలస్యం లేకుండా .. సరైన ప్రమోషన్‌లు సరైన సమయంలో చేసేలా.. ఈ సినిమా విడుదల చేసేందుకు చిత్ర బృందం షూటింగ్‌ని సకాలంలో పూర్తి చేయడానికి శరవేగంగా షూటింగ్ జరుపుకుంటోంది. ఇప్పటికే ఈ సినిమాకు సంబంధించి పాటలను విడుదల చేయగా.. అన్నీ సూపర్ డూపర్ హిట్ అయ్యాయి. పాటలకు అద్భుతమైన స్పందన వచ్చింది. మ్యూజిక్ పరంగా బంపర్ హిట్ కొట్టిన ఈ సినిమాపై అంచనాలు భారీగా పెరిగాయి. సినిమా టైటిల్ ట్రాక్ భీమ్లా నాయక్ ట్రాక్ 100 మిలియన్ వ్యూస్ దాటడంతో చిత్ర యూనిట్ ఆనందానికి అవధులు లేకుండా పోయాయి.
లాలా.. బీమ్లా.. తివిక్రమ్ స్వయంగా ట్రాక్ రాసుకున్నాడు. భీమ్లా నాయక్ ఆడియో రైట్స్ భారీ ధరకు కొనుగోలు చేసినట్లు తెలుస్తోంది. 5.04 కోట్ల రూపాయలకు ఆదిత్య మ్యూజిక్ హక్కులను సొంతం చేసుకున్నట్లు సమాచారం. అయితే అధికారిక ప్రకటన వెలువడాల్సి ఉంది. వరుస సినిమాలతో పవన్ కళ్యాణ్ బిజీ ఉన్నాడు. ఈ సినిమా తర్వాత అతడు హరి హర వీర మల్లు షూటింగ్ లో పాల్గొంటారు. దీని తర్వాత మరో సినిమా హరీష్ శంకర్ దర్శకత్వంలో ఉండనుంది.