Bheemla Nayak : టాలీవుడ్ సంచలనాల దర్శకుడు రామ్ గోపాల్ వర్మ పవర్ స్టార్ పవన్ కళ్యాణ్ ని ఆ మధ్య అంతా ఏ రకంగా టార్గెట్ చేస్తూ వచ్చాడో చూసాము. ఇక మధ్యలో చాలా గ్యాప్ ఇచ్చి మళ్ళీ పవన్ పై కొన్ని సంచలన కామెంట్స్ చేస్తూ వైరల్ అయ్యాడు. పవన్ ఫ్యాన్స్ కి మరియు అల్లు అర్జున్ ఫ్యాన్స్ కి మధ్యలో నిప్పులు పెట్టేలా అప్పుడు “భీమ్లా నాయక్” చిత్రాన్ని హిందిలో కూడా రిలీజ్ చేసి నీ సత్తా చాటాలని ఏవేవో ట్వీట్ లు చేసి పవన్ అభిమానులు అందరినీ కెలికేసాడు.
పుష్ప సినిమాతో అల్లు అర్జున్ హిందీలో భారీ హిట్ అందుకుంటే మరి పవర్ స్టార్ మీరు ఈసారి రిలీజ్ చేసి మీ దమ్ము చూపించండి అని ఓ రేంజ్ లో కౌంటర్లు వేసాడు. మరి వీటికి సమాధానంగా ఇప్పుడు భీమ్లా నాయక్ బృందం సమాధానం ఇచ్చేందుకు సిద్ధం అయ్యారు. ఈ చిత్రాన్ని తెలుగుతో పాటుగా హిందీలో కూడా రిలీజ్ చేస్తున్నట్టు కన్ఫర్మ్ చేశారు.
నిర్మాత నాగవంశీ లేటెస్ట్ గా మాట్లాడుతూ ఈ చిత్రాన్ని ఇప్పుడు తెలుగుతో పాటుగా హిందీలో కూడా డబ్బింగ్ చేసి రిలీజ్ చేయిస్తున్నట్టు తెలిపాడు. దీనితో ఇన్ డైరెక్ట్ గా అయినా వర్మ ఛాలెంజ్ కి సమాధానం దక్కినట్టే అని చెప్పాలి. మరి ఈసారి హిందీలో పవన్ కి ఎలాంటి స్వగతం అందుతుందో చూడాలి. ఇంకా ఈ సినిమాకి సాగర్ కే చంద్ర దర్శకత్వం వహిస్తుండగా త్రివిక్రమ్ మాటలు, స్క్రీన్ ప్లే అందించారు. అలాగే థమన్ సంగీతం అందివ్వగా రానా ఇంకో హీరోగా నటించాడు.