Bheemla Nayak Strong Hold In USA : పవర్ స్టార్ పవన్ కళ్యాణ్ మరియు రానా దగ్గుబాటిలు ప్రధాన పాత్రల్లో నటించిన లేటెస్ట్ భారీ మాస్ ఎంటర్టైనర్ చిత్రం “భీమ్లా నాయక్” ఇప్పుడు థియేటర్స్ లో మంచి వసూళ్లతో కొనసాగుతుంది. అయితే తెలుగు రాష్ట్రాల్లో మొన్న సోమవారం కాస్త డ్రాప్ అయినా నిన్న శివరాత్రి సందర్భంగా మాత్రం అదిరే వసూళ్లను మళ్ళీ అందుకుంది.
అయితే మన దగ్గర కాస్త అటు ఇటు డ్రాప్ అయినా యూఎస్ మార్కెట్ లో మాత్రం మంచి రన్ ని ఈ చిత్రం కనబరుస్తుంది. ఆడ మాత్రం పవన్ కెరీర్ లోనే మరో బిగ్గెస్ట్ హిట్ గా నిలబడింది. ఆల్రెడీ 2 మిలియన్ డాలర్స్ కొల్లగొట్టిన ఈ చిత్రం మళ్ళీ సింగిల్ డే లో 2 లక్షల డాలర్స్ అందుకున్నట్టు తెలుస్తుంది. (Bheemla Nayak Strong Hold In USA )
దీనితో ఈ చిత్రం 2.2 మిలియన్ డాలర్స్ దగ్గర నిలిచి స్ట్రాంగ్ హోల్డ్ ని కొనసాగిస్తోంది. దీనితో 5 రోజులకి గాను భీమ్లా నాయక్ 16 కోట్ల 66 లక్షలకి పైగా ఒక్క యూఎస్ లోనే రాబట్టేసింది. మొత్తానికి అయితే ఓవర్సీస్ మొత్తంలో భీమ్లా నాయక్ మంచి వసూళ్లనే అందుకుంటుంది అని చెప్పాలి.
మరి ఫైనల్ రన్ లో ఈ చిత్రం ఎంత అందుకుంటుందో చూడాలి. ఇక ఈ చిత్రానికి సాగర్ కే చంద్ర దర్శకత్వం వహించగా థమన్ సంగీతం అందించాడు. అలాగే సితార ఎంటర్టైన్మెంట్స్ వారు నిర్మాణం వహించారు.