సాధారణంగా కాలం మారుతున్న కొద్ది వాతావరణంలో కూడా పెద్ద ఎత్తున మార్పులు చోటు చేసుకుంటాయి. ఇలా మారుతున్న కాలానికి అనుగుణంగా మన ఆహారపు అలవాట్లను కూడా మార్చుకోవటం వల్ల ఎలాంటి అనారోగ్య సమస్యలకు గురికాకుండా ఎంతో ఆరోగ్యంగా ఉండగలం. అయితే ప్రస్తుతం వర్షాకాలం కావడంతో పెద్ద ఎత్తున వర్షాలు పడుతూ పూర్తిగా వాతావరణంలో మార్పులు చోటు చేసుకున్నాయి.ఈ క్రమంలోనే మన ఆహారంలో కూడా భారీ మార్పులు చేసుకోవాల్సి ఉంటుంది పొరపాటున కూడా వర్షాకాలంలో ఇలాంటి ఆహార పదార్థాలను తినకూడదు. మరి వర్షాకాలంలో వేటికి దూరంగా ఉండాలి అనే విషయానికి వస్తే…
ఆకుకూరలు: సాధారణంగా ఆకుకూరలు తినడం ఆరోగ్యానికి ఎంతో మంచిది అనే విషయం మనకు తెలిసిందే. అయితే వర్షాకాలంలో ఆకుకూరలకు దూరంగా ఉండాలని నిపుణులు చెబుతున్నారు. వర్షాకాలం మొదలవడంతో ఎన్నో రకాల క్రిములు ఆకుకూరలలో చేరుతాయి. అందుకే వాటిని తినకపోవడమే మంచిది. ముఖ్యంగా క్యాబేజీ క్యాలీఫ్లవర్ ఇతర తోటకూరలను కూడా ఈ వర్షాకాలం దూరం పెట్టడం ఉత్తమం.
సీ ఫుడ్స్: ఆరోగ్యానికి ఎన్నో ప్రయోజనాలు కలిగించే సీ ఫుడ్స్ వర్షాకాలంలో తినకపోవడం ఎంతో మంచిది. చేపలు రొయ్యలు పీతలకు ఇది సంతానోత్పత్తి సమయం కనుక ఈ సమయంలో వాటిని కనుక తింటే పూర్తిగా సంతానోత్పత్తి తగ్గిపోతుందన్న ఉద్దేశంతో వీటిని తినకూడదని చెబుతారు.
చల్లటి పదార్థాలు:వర్షాకాలంలో వీలైనంతవరకు కూల్ డ్రింక్స్ ఐస్ క్రీమ్ వంటి చల్లని పదార్థాలకు దూరంగా ఉండటం మంచిది.వాతావరణంలో ఉష్ణోగ్రతలు పూర్తిగా పడిపోయి ఉంటాయి. ఈ క్రమంలోనే తిరిగి ఇలాంటి చల్లని ఆహార పదార్థాలను తీసుకోవడం వల్ల తొందరగా దగ్గు జలుబు వంటి ఇన్ఫెక్షన్ల బారిన పడే అవకాశాలు ఉన్నాయి. అందుకే ఇలాంటి ఆహార పదార్థాలకు దూరంగా ఉండి ఎప్పటికప్పుడు ఆహారం తయారు చేసుకొని తినడం ఉత్తమం.