Bellamkonda Sai Sreenivas: బెల్లంకొండ సాయి శ్రీనివాస్ మహేష్ చందు దర్శకత్వంలో ప్రస్తుతం ఒక సినిమాలో నటిస్తున్న విషయం తెలిసిందే. BSS 11 వర్కింగ్ టైటిల్ తో రూపొందుతున్న ఈ సినిమాకు టైటిల్ ను తాజాగా మూవీ మేకర్స్ ప్రకటించారు. మూన్ షైన్ పిక్చర్స్ బ్యానర్ పై లుదీర్ బైరెడ్డి నిర్మాణంలో మహేష్ చందు దర్శకత్వంలో ఈ సినిమా తెరకెక్కుతోంది. ఈ సినిమాలో సంయుక్త హీరోయిన్ గా నటిస్తోంది. తాజాగా ఈ సినిమాకు హైందవ అనే టైటిల్ ప్రకటిస్తూ గ్లింప్స్ రిలీజ్ చేశారు మూవీ మేకర్స్. అయితే తాజాగా విడుదలైన ఈ గ్లింప్స్ చూస్తుంటే ఇదేదో మైథలాజికల్ థ్రిల్లర్ సినిమాలుగా అనిపిస్తోంది.
ఈ గ్లింప్స్ లో కొంతమంది దుండగులు ఒక గుడిని తగలబెడదాం అనుకుంటే శ్రీనివాస్, ఒక వరాహం, ఒక సింహం వచ్చి కాపాడినట్టు చూపించారు. అలాగే బ్యాక్ గ్రౌండ్ లో విష్ణుమూర్తి దశావతారాలను కూడా చూపించారు. ఈ గ్లింప్స్ ని బట్టి చుస్తే ఇదేదో బాగానే వర్కౌట్ అయ్యేలా అనిపిస్తుంది. గ్లింప్స్ లో షాట్స్ అయితే అదిరిపోయాయి. కాగా ఈ హైందవ సినిమాని పాన్ ఇండియా రిలీజ్ చేయనున్నారు. వరుసగా యాక్షన్ సినిమాలతో వచ్చిన బెల్లంకొండ సాయి శ్రీనివాస్ చివరగా తెలుగులో 2021లో అల్లుడు అదుర్స్ సినిమాతో ప్రేక్షకులను పలకరించాడు.
ఆ సినిమా వచ్చి నాలుగేళ్లు అయిపోతుంది. మధ్యలో హిందీ ఛత్రపతి సినిమా తప్ప ఇంకే సినిమా రాలేదు. త్వరలో బెల్లంకొండ సాయి శ్రీనివాస్ భైరవం అనే సినిమాతో రాబోతున్నాడు. ఈ సినిమాలో శ్రీనివాస్ తో పాటు మనోజ్, నారా రోహిత్ కూడా నటిస్తున్నారు. ఆ తర్వాత భీమ్లా నాయక్ డైరెక్టర్ సాగర్ చంద్ర దర్శకత్వంలో టైసన్ నాయుడు సినిమాతో రాబోతున్నాడు. ఇకపోతే తాజాగా విడుదలైన హైందవ సినిమా గ్లింప్స్ పై అభిమానులు స్పందిస్తూ ఈసారి హిట్టు గ్యారంటీ అంటూ కామెంట్లు చేస్తున్నారు.