Balayya-Sreeleela: బాలయ్య బాబుతో కలిసి ఐటమ్ సాంగ్ కి స్టెప్పులు వేసిన శ్రీ లీల.. వీడియో వైరల్!

Balayya-Sreeleela: టాలీవుడ్ హీరో, నందమూరి నటసింహం బాలయ్య బాబు హోస్ట్ గా వ్యవహరిస్తున్న షో అన్‌స్టాపబుల్. ఇప్పటికే మూడు సీజన్లను విజయవంతంగా పూర్తి చేసుకున్న ఈ షో ప్రస్తుతం నాలుగవ సీజన్ సక్సెస్ ఫుల్ గా పసారం అవుతున్న విషయం తెలిసిందే. ఇక నాలుగవ సీజన్లో ఇప్పటికే ఐదు ఎపిసోడ్స్ పూర్తి అయ్యాయి. ఈ ఎపిసోడ్ లకు నారా చంద్రబాబు నాయుడు, సూర్య, అల్లు అర్జున్ లాంటి సెలబ్రిటీలు హాజరైన విషయం తెలిసిందే.

ఇది ఇలా ఉంటే తాజాగా ఈ షో కి యంగ్ హీరో నవీన్ పొలిశెట్టి అలాగే యంగ్ హీరోయిన్ శ్రీలీల హాజరయ్యారు. ముగ్గురు మంచి ఎనర్జిటిక్ స్టార్స్ కావడంతో సందడి మామూలుగా లేదు. దానికి తోడు బాలయ్య బాబు ఎనర్జీ ఇంకాస్త డబుల్ అయ్యింది. ఇది ఇలా ఉంటే ఇప్పటికే ఈ ఎపిసోడ్ కు సంబంధించిన ఫోటోలు వీడియోలు ప్రోమోలు బయటకు వచ్చిన విషయం తెలిసిందే. తాజాగా ఆహా టీం షో నుంచి కొన్ని ఫోటోలను విడుదల చేసింది. ఆ ఫోటోలలో బాలకృష్ణతో కలసి శ్రీ లీల లేటెస్ట్ పుష్ప 2 కిస్సిక్ సాంగ్ కు స్టెప్పులు వేసింది.

అలాగే వీణ వాయిస్తున్న ఫోటోని కూడా షేర్ చేసారు. మరో ఫొటోలో శ్రీలీల డ్యాన్స్ చేస్తుంది. దీంతో శ్రీలీల ఈ షోలో తనకు వచ్చిన అన్ని ట్యాలెంట్స్ చూపించేసిందా ఏంటి అని ఫ్యాన్స్, ప్రేక్షకులు ఆశ్చర్యపోతున్నారు. అయితే నవీన్ పొలిశెట్టి కి సంబంధించి ఎలాంటి ఫోటోలు వీడియోలు పోస్ట్ చేయలేదు. అయితే ప్రస్తుతం ఆహా రిలీజ్ చేసిన శ్రీలీల ఫొటోస్ సోషల్ మీడియాలో వైరల్ గా మారడంతో ఎపిసోడ్ కోసం వెయిటింగ్ అంటూ కామెంట్ చేస్తున్నారు.