శ్రీదేవికి ఎన్టీఆర్ ఎలా పాఠాలు నేర్పారో ఇలాగేనా చెప్పడం బాలయ్య

నందసమూరి బాలకృష్ణ మీడియా ముందుకొచ్చి పెద్దగా ఇంటర్వ్యూలు ఇవ్వరు. ఇస్తే మాత్రం అవి తప్పకుండా చర్చల్లో నిలుస్తాయి. తాజాగా బాలకృష్ణ ఒక మీడియా ఛానెల్ కు ఇంటర్వ్యూ ఇచ్చారు. అందులో అనేక రకాల విషయాలను, వ్యక్తులను చర్చకు పెట్టి పలు వివాదాలకు కారణమయ్యారు. ఇంటర్వ్యూలో తన తండ్రికి భారతరత్న అవార్డ్ రాకపోవడం గురించి మాట్లాడుతూ ఆ అవార్డ్ నాన్నగారి కాలి చెప్పుతో సమానం అంటూ మాట తూలారు. దీంతో నెటిజన్లు ఫైర్ అవుతున్నారు. ఎందరో మహామహుల్ని వరించిన భారతరత్నను ఇలా చెప్పులతో పోల్చి కించపరిచడం సమంజసమేనా అంటున్నారు.

ఇక ప్రముఖ సంగీత దర్శకుడు ఏ.ఆర్.రెహమాన్ టాపిక్ రాగానే అతనెవరో తెలియదని అనేశారు. చిత్రం ఏమిటి అంటే రహమాన్ గతంలో బాలకృష్ణ సినిమాకు వర్క్ చేశారు కూడ. అసలు రెహమాన్ ఆస్కార్ అవార్డుకు అర్హుడేనా అన్నట్టు సెలవిచ్చారు. దీంతో నెటిజన్లు ఈమధ్య బాలయ్య ఆలపించిన శివశంకరి పాటను గుర్తిచేస్తూ రెహమాన్ ఎవరో తెలియదా అంటూ చురకలు వేస్తున్నారు. ఇవేనా ఇంకా పలు విషయాల్లో బాలకృష్ణ నోటికి పనిచెప్పారు. తాను హాలీవుడ్ దర్శకుడు జేమ్స్ కెమెరూన్ కంటే గొప్ప అనడం, శ్రీదేవికి తన తండ్రి ఎలా పాఠాలు నేర్పారో పచ్చిగా చెప్పడం లాంటి మాటలు మాట్లాడి సోషల్ మీడియాలో విపరీతంగా ట్రోల్ అవుతున్నారు.