Bajji Papa : పాపులారిటీ అనేది ఎప్పుడు.? ఎవరికి.? ఎలా.? వస్తుందో చెప్పలేం. రాత్రికి రాత్రే ఒక్కోసారి పాపులారిటీ వచ్చేస్తుంటుంది. ఒక్కసారిగా వైరల్ అయిపోతుంటారు. చాలా మంది సెలబ్రిటీల విషయంలో ఇలాంటి వైరల్ న్యూస్ చాలానే విన్నాం.
లేటెస్టుగా ఓ ముద్దుగుమ్మ వైరల్ లిస్టులో చేరిపోయింది.
ఇంతకీ ఎవరా ముద్దుగుమ్మ. పేరు కుషిత కల్లాపు. ఎక్కడా వినలేదులెండి. కానీ, ఈ మధ్య సోషల్ మీడియా, ప్రింట్ మీడియా, ఈ మీడియా ఆ మీడియా అనే తేడా లేకుండా ఈ పేరు మార్మోగిపోతోంది.
అందుక్కారణం ఈ మధ్య ఓ పబ్పుపై జరిగిన పోలిసుల ఆకస్మిక దాడియే.
వాస్తవానికి ఈ రైడ్‌లో ఆన్ ది స్పాట్ దాదాపు 150 మంది పోలీసులకు చిక్కగా వారిలో మెగా డాటర్ నిహారిక, బిగ్‌బాస్ విన్నర్ రాహుల్ సిప్లిగంజ్ వంటి ప్రముఖుల పేర్లు బయటికి వచ్చాయ్.
కాస్త ఆలస్యంగానే అయినా మరో పేరు కూడా బయటికి వచ్చింది. ఆ పేరే మనం చెప్పుకుంటున్న కుషిత కల్లాపు.
ఏదో సినిమాల్లో చిన్నాచితకా వేషాలతో పాటు, కొన్ని వెబ్ సిరీస్‌లలోనూ ఈ ముద్దుగుమ్మ నటించిందట. ఆ విషయం కూడా ఈ ఇష్యూతోనే బయటపడింది. అలా ఇలా కాదు, తెగ వైరల్ అయిపోతోందిప్పుడీ పాప.
జస్ట్ ఛిల్ అవడానికి పబ్బుకెళ్లిన ఈ ముద్దుగుమ్మ అక్కడ కేవలం బజ్జీలు మాత్రమే తిన్నదట. లిక్కరు కూడా తీసుకోలేదట. కానీ, అనవసరంగా ఈ ఇష్యూలో ఇరికించేస్తున్నారంటూ వాపోతోంది.
ఏది ఏమైతేనేం, ఈ ఇష్యూని తన పాపులారిటీ కోసం బాగా వాడేసుకుంటోందీ ముద్దుగుమ్మ. కుషిత అన్న పేరే పరిచయం లేదింతవరకూ అలాంటిది బజ్జీ పాపా అంటూ నెట్టింట్లో కుషిత తెగ ట్రెండింగ్ అయిపోయింది.
ఏమో గుర్రం ఎగరావచ్చు.. ఈ పబ్లిసిటీతో కుషిత దశ తిరిగిపోనుందేమో చూడాలి మరి.