SSMB29: టాలీవుడ్ సూపర్ స్టార్ మహేష్ బాబు అలాగే స్టార్ డైరెక్టర్ ఎస్.ఎస్ రాజమౌళి కాంబినేషన్ లో ఒక సినిమా రాబోతున్న విషయం తెలిసిందే. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు జరుగుతున్నాయి. త్వరలోనే ఈ సినిమా సెట్స్ పైకి వెళ్ళనుంది. సినిమా షూటింగ్ కూడా ప్రారంభం కాకముందే ఈ సినిమాపై అంచనాలు ఒక రేంజ్ లో ఏర్పడ్డాయి. ఇప్పటివరకు పాన్ ఇండియా లెవెల్ లో సినిమాలను తెరకెక్కించిన దర్శకుడు రాజమౌళి ఈ సినిమాను గ్లోబల్ లెవెల్ లో తిరకేకించబోతున్నట్లు వార్తలు జోరుగా వినిపిస్తున్న విషయం తెలిసిందే.
ఇకపోతే ఈ సినిమాకు సంబంధించిన రెగ్యులర్ షూటింగ్ ను వచ్చే ఏడాది ఆరంభంలోనే ప్రారంభించాలని చూస్తున్నారట. ఇప్పటికే లొకేషన్స్ వేట కూడా పూర్తి అయ్యిందని, నటీనటుల ఎంపిక కూడా పూర్తి అయినట్లు వార్తలు వినిపిస్తున్నాయి. ఇలాంటి సమయంలోనే ఒక వార్త సోషల్ మీడియాలో హాట్ టాపిక్ గా మారింది. అదేమిటంటే.. ఈ సినిమాకు ఎగ్జిక్యూటివ్‌ ప్రొడ్యూసర్‌ గా శోభు యార్లగడ్డను రాజమౌళి తీసుకున్నారని తెలుస్తోంది. బాహుబలి వంటి బ్లాక్‌ బస్టర్‌ విజయాన్ని నిర్మించిన శోభు యార్లగడ్డ ఈ సినిమా కోసం రాజమౌళి కోరడంతో ఆ పని చేసేందుకు ఒప్పుకున్నారట.
శోభు యార్లగడ్డ ఈ సినిమా మార్కెటింగ్‌ వ్యవహారాలు, అంతర్జాతీయ స్థాయిలో సినిమా ప్రమోషన్స్ వ్యవహారాలు చూసుకుంటారని తెలుస్తోంది. బాహుబలి, ఆర్‌ఆర్‌ఆర్ తర్వాత రాజమౌళి చేయబోతోన్న సినిమాకు సంబంధించిన ప్రీ ప్రొడక్షన్ వర్క్‌ జరుగుతోంది. మహేష్ బాబుతో రాజమౌళి రూపొందించబోతున్న ఈ మూవీని కేఎల్‌ నారాయణ భారీ బడ్జెట్‌తో నిర్మించబోతున్నారు. నిర్మాత కేఎల్‌ నారాయణ బ్యానర్‌ శ్రీ దుర్గ ఆర్ట్స్‌లో మహేష్, రాజమౌళి కాంబో మూవీ తెరకెక్కనుంది. బాహుబలి తర్వాత మహేష్ బాబుతో మూవీ చేయాలని భావించినా కొన్ని కారణాల వల్ల సాధ్యం కాలేదు. ఇప్పుడు ఎప్పటి నుంచో పక్కన పెడుతూ వస్తున్న ఈ చిత్రం ఇక పట్టాలెక్కనుంది. ఈ వార్త సోషల్ మీడియాలో వైరల్ అవ్వడంతో మహేష్ అభిమానులు అలాగే నెటిజెన్స్ కామెంట్ల వర్షం కురిపిస్తున్నారు. ఈ సినిమా విడుదల అయ్యి రికార్డుల మోత మోగించడం ఖాయం అంటూ కామెంట్లు చేస్తున్నారు. విడుదలకు ముందే ఈ సినిమాపై అంచనాలు ఒక రేంజ్ లో ఉన్నాయి.