Bhahubali 2 – Pudhpa 2: అల్లు అర్జున్ హీరోగా నటించిన పుష్ప 2 సినిమా ఎంతటి విజయాన్ని సాధించిందో మనందరికీ తెలిసిందే. ఈ సినిమా విడుదల అయ్యి రెండు వారాలు అవుతున్న ఈ సినిమా క్రేజ్ ఏ మాత్రం తగ్గడం లేదు. భారీ అంచనాల నడుమ విడుదలైన ఈ సినిమా అతి తక్కువ సమయంలోనే 1000 కోట్లు కలెక్షన్స్ సాధించి సరికొత్త రికార్డులు సృష్టించిన విషయం తెలిసిందే. ఇప్పుడు మరిన్ని కలెక్షన్స్ లు సాధిస్తూ దూసుకుపోతోంది. థియేట్రికల్ రైట్స్ రూ. 600 కోట్లకు పైగా అమ్ముడుపోయాయి. థియేటర్స్ లోకి రాకముందే పుష్ప 2 మూవీ నిర్మాతలకు లాభాలు పంచింది. ఇక ప్రాఫిట్స్ లో షేర్ తీసుకున్న అల్లు అర్జున్ రూ. 300 కోట్ల వరకు రెమ్యూనరేషన్ రూపంలో తీసుకున్నట్టు తెలుస్తోంది.
ఇకపోతే ఈ సినిమా మరొక 300 కోట్లు రాబడితే ఏకంగా బాహుబలి 2 సినిమా రికార్డులను అధిగమిస్తుందని వార్తలు జోరుగా వినిపిస్తున్నాయి. టాలీవుడ్ దర్శకుడు రాజమౌళి దర్శకత్వంలో డార్లింగ్ ప్రభాస్ హీరోగా నటించిన బాహుబలి 2 సినిమా 2017 లో విడుదల అయ్యి దాదాపుగా రూ. 1810 కోట్ల గ్రాస్ వసూలు చేసిన విషయం తెలిసిందే. పుష్ప 2 విడుదలై 15 రోజులు అవుతోంది. ఈ చిత్రం ఇప్పటి వరకు రూ. 1500 కోట్లకు పైగా వరల్డ్ వైడ్ గ్రాస్ రాబట్టినట్లు మేకర్స్ ప్రకటించారు. హిందీ వెర్షన్ రూ. 600 కోట్లకు పైగా కలెక్షన్స్ రాబట్టింది. క్రిస్మస్, న్యూ ఇయర్ హాలిడేస్ పుష్ప 2 చిత్ర వసూళ్లు ఇంకా పెరిగే అవకాశం ఉన్నట్టు తెలుస్తోంది.
దానికి తోడు ఈ సినిమాకు పోటీ సినిమాలు పెద్ద సినిమాలు ఏమీ లేకపోవడంతో ఈ సినిమా కలెక్షన్లు మరింత పెరిగే అవకాశం ఉన్నట్టు నిపుణులు అంచనా వేస్తున్నారు. కాగా తాజాగా విడుదలైన బచ్చల మల్లి, ముఫాసా, యూ ఐ చిత్రాలకు అంతగా హైప్ లేదు. పాజిటివ్ టాక్ వస్తే మాత్రమే ఆ చిత్రాలను ప్రేక్షకులు పట్టించుకుంటారు. బాలీవుడ్ లో కూడా అదే పరిస్థితి నెలకొంది. డిసెంబర్ 25న విడుదలయ్యే బేబీ జాన్ మాత్రమే చెప్పుకోదగ్గ రిలీజ్. నార్త్ లో పుష్ప 2 మూవీ వసూళ్లు నిలకడగా ఉన్నాయి. కాబట్టి పుష్ప 2 ఎనిమిదేళ్ల క్రితం బాహుబలి 2 నెలకొల్పిన అత్యధిక వసూళ్ల రికార్డు బ్రేక్ చేయడం సాధ్యమే అంటున్నారు. కాగా దంగల్ మూవీ రూ. 2000 కోట్లకు పైగా వరల్డ్ వైడ్ వసూళ్లతో అగ్రస్థానంలో ఉంది. డొమెస్టిక్ గా బాహుబలి 2, పుష్ప 2 మొదటి రెండు స్థానాల్లో ఉన్నాయి. బాహుబలి 2 హిందీ వెర్షన్ రికార్డును పుష్ప 2 పదకొండు రోజుల్లో దాటేసింది. నార్త్ లో కొన్ని ఏరియాల్లో పుష్ప 2 థియేటర్స్ ఎదుట హౌస్ ఫుల్ బోర్డ్స్, క్యూ లైన్లు కనిపిస్తున్నాయి. చూస్తుంటే ఈ సినిమా బాహుబలి 2 సినిమా రికార్డులను బద్దలు కొట్టేలా కనిపిస్తోంది.