తాజా ఇంటర్వ్యూలో సాయికుమార్ సోదరుడు అయ్యప్ప శర్మ చిరంజీవి కథానాయకుడిగా రూపొందిన ఆచార్య సినిమా గురించి ప్రస్తావించాడు. ఈనెల 29న ఆచార్య సినిమా ప్రేక్షకుల ముందుకు రానుంది. కొరటాల దర్శకత్వం వహించిన ఈ సినిమాలో చిరంజీవి, రామ్ చరణ్ ముఖ్యమైన పాత్రలను పోషించారు.
ఇక అయ్యప్ప శర్మ మాట్లాడుతూ.. చిరంజీవి గారితో కలిసి సినిమా చేయలేకపోయాను అనే బాధ నన్ను అలా వెంటాడుతూనే ఉంది. మా నాన్నగారి హయాం నుంచి చిరంజీవి గారి ఫ్యామిలీ తో మంచి స్నేహ సంబంధం ఉంది. సాయికుమార్ నుంచి ఆ బంధం మరింత బలపడుతూ వచ్చింది.
నేను ఓ కన్నడ సినిమా షూటింగు కోసం ఒక మారుమూల గ్రామానికి వెళ్ళవలసి వచ్చింది. అక్కడ ఎలాంటి నెట్ వర్క్ ఉండేది కాదు. ఆ సమయంలో ఆచార్య సినిమా కోసం నన్ను కాంటాక్ట్ చేశారట. వాళ్లు పెట్టిన మెసేజ్ కూడా నాకు ఆ తర్వాత ఎప్పటికో వచ్చింది. వాళ్లు అడిగిన డేట్లు ఉండి కూడా నెట్వర్క్ సమస్య కారణంగా నేను ఆచార్య చేయలేకపోయాను. చిరంజీవి గారితో కలిసి నటించే ఛాన్స్ త్వరలోనే మళ్లీ వస్తుందని భావిస్తున్నానని అన్నాడు.