Allu Arjun : అల్లు అర్జున్ ఎప్పుడూ సరదాగా కనిపిస్తుంటాడు. కానీ, ఎమోషనల్ అయ్యాడిప్పుడు. అది కూడా సుకుమార్ విషయంలో. సుకుమార్ కూడా అంతే. ఎందుకిలా.? అసలు ‘పుష్ప’ వెనుక కథేంటి.? ఓ ప్రముఖ హీరోతో సినిమా చేయాల్సి వుండగా, కొన్ని కారణాలతో సుకుమార్ ఆ సినిమాని వదులుకోవాల్సి వచ్చింది. ఆ సమయంలో సుకుమార్ – అల్లు అర్జున్ కాంబినేషన్ సెట్ అయ్యింది.
‘రంగస్థలం’ సినిమాతో సూపర్ హిట్టు కొట్టిన సుకుమార్, ఆ వెంటనే డిజాస్టర్ ఇస్తాడని అంతా భావించారు. అల్లు అర్జున్ విషయంలోనూ ఇలాంటి కామెంట్లే తెరపైకొచ్చాయి. కానీ, సుకుమార్ – అల్లు అర్జున్ అవేవీ పట్టించుకోకుండా ఓ డిఫరెంట్ సినిమా చేయాలనుకున్నారు. అలా ‘పుష్ప’ సెట్స్ మీదకు వచ్చింది.
లాక్ డౌన్, ‘పుష్ప’ సినిమాని చాలా చాలా ఇబ్బంది పెట్టింది. ఓ దశలో సినిమా ఇక ముందుకు నడవదనీ, ప్రాజెక్టు అటకెక్కిపోతుందని అంతా భావించారు. కానీ, అందుకు భిన్నంగా ‘పుష్ప’ సినిమా పూర్తయి, ప్రేక్షకుల ముందుకీ వచ్చేసింది. నిజానికి, ‘పుష్ప’ సినిమా ప్రమోషన్లలో సుకుమార్ తక్కువగా కనిపించాడు.. దాంతో, మళ్ళీ బోల్డన్ని రూమర్లు వచ్చాయి.
ఇవన్నీ ‘పుష్ప’ సినిమా వచ్చాక గల్లంతైపోయాయ్. అనుకున్న సమయానికి సినిమాని ప్రేక్షకుల ముందుకు తీసుకురావడం కోసం సుకుమార్ పడ్డ కష్టమేంటో అల్లు అర్జున్కి మాత్రమే బాగా తెలుసు. అందుకేనేమో, ‘సుకుమార్ లేకపోతే, అల్లు అర్జున్ ఎలా వుండేవాడో..’ అని స్వయంగా అల్లు అర్జున్ కంటతడి పెట్టాడు.
సుకుమార్ – అల్లు అర్జున్ అంటే ఓ దర్శకుడు ఓ హీరో మాత్రమే కాదు.. ఇద్దరి మధ్యా చాలా చాలా స్పెషల్ బాండింగ్ వుంది. అల్లు అర్జున్ని పాన్ ఇండియా స్టార్ని చేసిన ఘనత సుకుమార్కే దక్కింది మరి.