Allu Arjun : టాలీవుడ్ నుంచి వెళ్లి ఇండియన్ సినిమా దగ్గర భారీ క్రేజ్ ని తెచ్చుకున్న హీరోల్లో మొదటగా ప్రభాస్ పేరు వినిపించగా ఆ తర్వాత ఎలాంటి రాజమౌళి సినిమా లేకుండా ఎదిగిన ఏకైక హీరోగా అయితే మాత్రం ఐకాన్ స్టార్ అల్లు అర్జున్ అనే చెప్పాలి.
అల్లు అర్జున్ హీరోగా నటించిన లేటెస్ట్ బిగ్గెస్ట్ హిట్ సినిమా “పుష్ప” తో పాన్ ఇండియా రీసౌండ్ ఇచ్చే హిట్ ని అందుకోగా ఇప్పుడు రెండో సినిమా కోసం సిద్ధం అవుతున్నాడు.
అయితే అల్లు అర్జున్ సినిమాలతో పాటుగా పలు యాడ్స్ కూడా చేస్తాడని తెలిసిందే. వాటిలో లేటెస్ట్ గా అయితే జొమాటో మరియు రాపిడో యాడ్స్ లో కనిపిస్తున్నాడు. అయితే రీసెంట్ ఆ అల్లు అర్జున్ వద్దకు ఒక భారీ డీల్ తో ప్రముఖ సంస్థ వచ్చిందట. కానీ దానికి అల్లు అర్జున్ చెయ్యనని చెప్పేశాడట.
దీనికి బలమైన కారణమే ఉన్నట్టు తెలుస్తుంది. తన దగ్గరకి భారీ ధరతో వచ్చిన ఆ సంస్థ టొబాకో(పొగాకు) ప్రోడక్ట్ సంస్థ కాగా అల్లు అర్జున్ కి ఎంత ఎంత టెంప్టింగ్ ఆఫర్ ఇచ్చినా దానికి అల్లు అర్జున్ చెయ్యనని చెప్పేశాడట. ఈ తరహా యాడ్స్ తాను చెయ్యనని ఆరోగ్యానికి హాని చెయ్యడం వలనే నో చెప్పినట్టుగా సినీ వర్గాలు చెబుతున్నాయి.
దీనితో అల్లు అర్జున్ తనకి డబ్బులు కాదు ప్రేక్షకులు ముఖ్యంగా తన అభిమానుల ఆరోగ్యాలు కూడా ముఖ్యం అని తెలిపినట్టు అయ్యిందని చెప్పాలి.
ఇక అల్లు అర్జున్ పుష్ప 2 లో రష్మికా మందన్నా హీరోయిన్ గా నటిస్తుండగా సుకుమార్ దర్శకత్వం వహిస్తున్న సంగతి అందరికీ తెలిసిందే.