Alia Bhatt : ప్రస్తుతం పాన్ ఇండియా వీక్షకులను అలరించడానికి వస్తున్న బిగ్గెస్ట్ పాన్ ఇండియా మల్టీస్టారర్ చిత్రం ట్రిపుల్ ఆర్ కోసం అందరికీ తెలిసిందే. మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లాంటి ఇద్దరు మాస్ హీరోలు నటించిన ఈ భారీ సినిమాని అగ్ర తారాగణం తో దర్శకుడు ఎస్ ఎస్ రాజమౌళి తెరకెక్కించారు. ఫైనల్ గా మేకర్స్ మూడేళ్ల కష్టం అన్ని భాషల్లో విడుదల అయ్యేందుకు వస్తుంది.
మరి ఈ సినిమాలో ప్రతి పాత్రకి ఎంతో ప్రాధాన్యత ఉంది. ముఖ్యంగా బాలీవుడ్ స్టార్ నటులు అజయ్ దేవగన్ మరియు ఆలియా భట్ లు చేసినవి కీలకం. అయితే ఆలియా భట్ ఈ సినిమాలో చరణ్ చేసిన పాత్ర అల్లూరి సీతారామరాజు కి భార్య గా సీత పాత్రలో నటించింది. అయితే అసలు ఈ చిత్రంలో ఆలియా భట్ పాత్ర చిన్నదే అయినా ఈ సినిమాలో ఆమె కలిగించే ప్రభావం మాత్రం చాలా పెద్దదిగా ఉంటుందట.
అంతే కాకుండా ఇంకో ఆసక్తికరమైన విషయం ఏమిటంటే ఈమె పాత్ర రామ్ చరణ్ రామరాజు అలాగే ఎన్టీఆర్ పాత్ర కొమరం భీమ్ లకి మధ్య ఒక వారధిగా కనిపిస్తుందట. అంతే కాకుండా ఆ ఇద్దరి సూపర్ ఫోర్సెస్ ని కంట్రోల్ చేసే ఆయుధంలా చాలా పవర్ ఫుల్ పాత్రలో ఆలియా భట్ కనిపిస్తుంది అని లేటెస్ట్ గా రాజమౌళి ఇంట్రెస్టింగ్ డీటెయిల్స్ తెలిపారు. మొత్తానికి అయితే ఈ భారీ సినిమాలో ఆమె పాత్రపై ఒక క్లారిటీ వచ్చేసినట్టు అని చెప్పాలి. ఇక ఫుల్ ఫ్లెడ్జ్ గా ఈ చిత్రం ఎలా ఉంటుందో తెలియాలి అంటే మార్చ్ 25 వరకు ఆగాల్సిందే.