Kajal Aggarwal : జెనరల్ గా మన సౌత్ ఇండియన్ సినిమా దగ్గర చాలా వరకు హీరోయిన్స్ కి కూడా చాలా ప్రాధాన్యత ఇచ్చే సినిమాలు గాని ఫిల్మ్ మేకర్స్ గాని ఉన్నారు. అయితే మరోపక్క పలువురు స్టార్ హీరోయిన్స్ నుంచి కూడా అనేక కంప్లైంట్స్ కూడా వింటూనే ఉంటాము.
ఇక్కడ హీరోయిన్స్ ని కేవలం గ్లామర్ కోసమే ఉంచుతారు అని సినిమా అంతా హీరోలపై మాత్రమే తీసి మమ్మల్ని నామ మాత్రంగా చూపిస్తారని చాలా మంది స్టార్ హీరోయిన్లు కామెంట్స్ చేశారు. మరి అలాగే ఇప్పుడు స్టార్ హీరోయిన్ కాజల్ విషయంలో అనిపిస్తుంది అని ఆమె అభిమానులు వాపోతున్నారు.
ఈమెకి ఇప్పుడు పెళ్లి కాకముందు చేసిన లాస్ట్ సినిమా “ఆచార్య”. మెగాస్టార్ చిరంజీవి హీరోగా కొరటాల శివ దర్శకత్వంలో చేసిన సినిమా ఇది కాగా దీనిలో కాజల్ హీరోయిన్ గా నటించింది.
కానీ ఈ సినిమా ఫస్ట్ అప్పుడు కాజల్ కనిపించింది కానీ అక్కడ నుంచి మళ్ళీ సినిమా నుంచి ఊసే లేదు. పైగా మొన్న సినిమా ట్రైలర్ రిలీజ్ తర్వాత కూడా కాజల్ ప్రస్తావన లేకపోవడం ఆమె అభిమానులకి షాకిచ్చింది.
సరే ఇది పక్కన పెట్టినా నిన్న జరిగిన భారీ ప్రీ రిలీజ్ ఈవెంట్ లో కనీసం ఒక్కరంటే ఒక్కరు కూడా కాజల్ పేరు చెప్పకపోవడం ఊహించని రకంగా మారింది. దీనితో మళ్ళీ ఈమెని పక్కన పెట్టేసినట్టు అయ్యింది. ఈ దెబ్బతో మళ్ళీ కాజల్ కి అన్యాయం చేసారన్న మాట అయితే జోరుగా వినిపిస్తుంది. మరి తర్వాత అయినా ఏమన్నా వివరణ ఇస్తారో చూడాలి.