RRR Movie : మరో రెండు రోజుల్లో దాదాపు నాలుగేళ్ల నిరీక్షణకు తెర పడబోతోంది. మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ లాంటి ఇద్దరు స్టార్ హీరోస్ తో చేసిన వన్ ఆఫ్ ది బిగ్గెస్ట్ పాన్ ఇండియా మల్టీ స్టారర్ చిత్రం ట్రిపుల్ ఆర్(RRR) ఎప్పుడెప్పుడు థియేటర్స్ లో చూస్తామా అని ఆసక్తిగా అందరు ఎదురు చూస్తున్నారు.
మరి ఈ సినిమా ఫైనల్ గా భారీ అంచనాలు నడుమ మన దేశంలో అన్ని కీలక భాషల్లో రిలీజ్ కాబోతుంది. అయితే రాజమౌళి మొదటి నుంచి కూడా పక్కా ప్లాన్ ప్రకారం చేస్తూ వస్తున్న ఈ సినిమాకి కూడా లాస్ట్ మినిట్ ఇబ్బందులు తప్పడంలేదు. ఓ పక్క తెలుగు రాష్ట్రాల్లో బిజినెస్ పరంగా అయితే మరొకటి లేటెస్ట్ గా అవతరించింది.
ఇది కర్ణాటకలో స్టార్ట్ అయ్యింది. ఈరోజు ఉదయం నుంచే కన్నడిగులు ఈ సినిమాని బాయ్ చేస్తున్నామని సంచలన ట్రెండ్ చెయ్యడం అందరికీ షాకిచ్చింది. అయితే దీనికి గట్టి కారణం కూడా లేకపోలేదట. మొదటగా ఈ సినిమాని వారి అధికారిక భాష అయినటువంటి కన్నడలో కాకుండా ఎక్కువ తెలుగు ప్రింట్స్ లో రిలీజ్ చేస్తుండడం వారిని బాగా హర్ట్ చెయ్యగా..
అలాగే మరో పక్క అక్కడి స్టార్ హీరో మరియు స్వర్గీయ పునీత్ రాజ్ కుమార్ నటించిన సినిమా “జేమ్స్” ట్రిపుల్ ఆర్ కోసం తీసేస్తుండడం మరో వివాద అంశంగా మారింది. దీనితో అంతా రాజమౌళి అండ్ కో పై పడ్డారు. అయితే దీనికి సమాధానం చెప్పాల్సింది అక్కడి డిస్ట్రిబ్యూర్ అని మన వాళ్ళు అంటున్నారు.