Acharya : కోవిడ్ పాండమిక్ టైమ్లో యంగ్ హీరోలు వెనకడుగు వేసినా, సీనియర్ హీరో బాలయ్య ధైర్యంగా ముందడుగు వేశాడు. ‘అఖండ’ సినిమాతో బిగ్గెస్ట్ హిట్ కొట్టి కుర్రహీరోలకు ఇన్సిప్రేషన్గా నిలిచారు బాలయ్య.
బాలయ్య కెరీర్లోనే బిగ్గెస్ట్ హిట్గా నిలిచింది ‘అఖండ’ సినిమా. అదీ కోవిడ్ పాండమిక్ టైమ్లో బాక్సాఫీస్ వద్ద కాసుల పంట పండించింది. ఇక ఇప్పుడు మరో సీనియర్ హీరో చిరంజీవి వంతొచ్చింది. ‘ఆచార్య’ సినిమాతో బాక్సాఫీస్ని బద్దలు కొట్టడానికి మెగాస్టార్ చిరంజీవి రెడీ అయిపోతున్నారు.
నిజానికి ‘అఖండ’ తర్వాత ‘భీమ్లా నాయక్’, ఆ తర్వాత ‘ఆర్ఆర్ఆర్’ సినిమాలు కూడా బాక్సాఫీస్ వద్ద సత్తా చాటాయి. ఇప్పుడు బాక్సాఫీస్ రారాజు అయిన చిరంజీవి తన సత్తా చాటాల్సిన సమయం వచ్చేసింది. ‘ఆర్ఆర్ఆర్’ లాంటి ప్యాన్ ఇండియా మూవీతో ‘ఆచార్య’ను పోల్చడం సబబు కాదు. కానీ, మెగాస్టార్ చిరంజీవి మాత్రం ఈ సవాల్ని స్వీకరించాల్సి వుంటుంది.
అయినా ఆయన శిఖరం. ఇలాంటి సవాళ్లు ఆయనకు కొత్తేం కాదు. ‘ఆచార్య’తో తన సీనియారిటీ సత్తా ఏంటో చూపించడం పక్కా. ఇకపోతే, ‘ఆచార్య’ను కనీ వినీ ఎరుగని స్థాయిలో రిలీజ్ చేయబోతున్నారట. కొరటాల శివ దర్శకత్వం వహిస్తున్న ఈ సినిమాలో ‘ఆర్ఆర్ఆర్’తో ప్యాన్ ఇండియా ఇమేజ్ దక్కించుకున్న రామ్ చరణ్ కూడా నటిస్తుండడం బిగ్ ఎస్పెట్ అని చెప్పాలి.
చందమామ కాజల్ అగర్వాల్, బుట్టబొమ్మ పూజా హెగ్దే ఈ సినిమాలో హీరోయిన్లుగా నటిస్తున్న సంగతి తెలిసిందే. ఏది ఏమైనా బాక్సాఫీస్ వద్ద ‘ఆచార్య’ మరో బిగ్గెస్ట్ సెన్సేషన్ క్రియేట్ చేయడం ఖాయమనే చెప్పాలి.