సస్పెన్స్, క్రైమ్ కథలకు ఎప్పుడూ ఆదరణ లభిస్తూనే ఉంటుంది. ఆడియెన్స్ ఇలాంటి జోనర్ లో వచ్చే చిత్రాలను ఎప్పుడూ సపోర్ట్ చేస్తూనే ఉంటారు. ఈ క్రమంలో ఎండ్లూరి ఎంటర్టైన్మెంట్ బ్యానర్పై ఎండ్లూరి కళావతి నిర్మిస్తున్న సస్పెన్స్, క్రైమ్ చిత్రం ‘ది బ్రెయిన్’. ఈ చిత్రానికి దర్శకుడు అశ్విన్ కామరాజ్ కొప్పాల. ఈ చిత్రంలో అజయ్, తన్విక, బేబీ దాన్విత, అజయ్ ఘోష్, శరత్ లోహిత్, జయ చంద్ర నాయుడు, రవి కాలే, జ్యోతి నటిస్తున్నారు. ఈ మూవీ షూటింగ్ చిత్తూరు జిల్లా పరిసర ప్రాంతాలలో శరవేగంగా జరుగుతోంది.
*దర్శకుడు అశ్విన్ కామరాజ్ కొప్పాల మాట్లాడుతూ ..* ‘ది బ్రెయిన్’ చిత్రాన్ని క్రైమ్ అండ్ సస్పెన్స్ జానర్లో తెరకెక్కిస్తున్నాం. ప్రస్తుత సమాజంలో జరుగుతున్న పరిణామాలను దృష్టిలో పెట్టుకుని ఈ మూవీని తీస్తున్నాం. ఈ చిత్రానికి మాటలు పోతు గడ్డం ఉమా శంకర్ గారు అందించారు. యూఎస్ విజయ్ కెమెరామెన్గా, ఎంఎల్ రాజా మ్యూజిక్ డైరెక్టర్గా మంచి అవుట్ పుట్ అందిస్తున్నారు’ అని అన్నారు.
త్వరలోనే ఈ చిత్రానికి సంబంధించిన అన్ని కార్యక్రమాల్ని పూర్తి చేసుకుని విడుదల తేదీని ప్రకటించనున్నారు.
*నటీనటులు :* అజయ్, తన్విక, బేబీ దాన్విత, అజయ్ ఘోష్, శరత్ లోహిత్, జయ చంద్ర నాయుడు, రవి కాలే, జ్యోతి,ఆర్ కే నాయుడు తదితరులు
*సాంకేతిక బృందం*
బ్యానర్ : ఎండ్లూరి ఎంటర్టైన్మెంట్
నిర్మాత : ఎండ్లూరి కళావతి
దర్శకుడు : అశ్విన్ కామరాజ్ కొప్పాల
కెమెరామెన్ : యూఎస్ విజయ్
సంగీత దర్శకుడు : ఎంఎల్ రాజా
మాటలు : పోతు గడ్డ ఉమా శంకర్
పీఆర్వో : సాయి సతీష్
