Bhartha Mahasayulaku Wignyapthi: మాస్ మహారాజా రవితేజ సంక్రాంతి బ్లాక్ బస్టర్ ‘భర్త మహాశయులకు విజ్ఞప్తి’. కిషోర్ తిరుమల దర్శకత్వంలో, సుధాకర్ చెరుకూరి ఎస్ఎల్వి సినిమాస్ బ్యానర్పై నిర్మించిన ఈ ఫ్యామిలీ ఎంటర్టైనర్ లో డింపుల్ హయతి, ఆషిక రంగనాథ్ కథానాయికలుగా నటించారు. జనవరి 13న గ్రాండ్గా విడుదలైన ఈ సినిమా సంక్రాంతి బ్లాక్ బస్టర్ విజయాన్ని అందుకుని హౌస్ ఫుల్ గా రన్ అవుతోంది. ఈ సందర్భంగా మేకర్స్ సంక్రాంతి బ్లాక్ బస్టర్ మీట్ నిర్వహించారు.
బ్లాక్ బస్టర్ మీట్ లో నిర్మాత సుధాకర్ చెరుకూరి మాట్లాడుతూ..మా సినిమాని ఇంత పెద్ద హిట్ చేసిన తెలుగు ప్రేక్షకులందరికీ థాంక్స్. మా హీరో రవితేజ గారికి, హీరోయిన్స్ కి, మా సినిమాలో నటించిన అందరికీ ధన్యవాదాలు. అలాగే మా టెక్నీషియన్స్ ప్రకాష్ గారు ప్రసాద్ గారు బీమ్స్ గారు కొరియోగ్రాఫర్స్ రైటర్స్ అందరికీ చాలా థాంక్స్. నేను రెండుసార్లు భ్రమరాంభ థియేటర్ కి వెళ్ళాను. ఫ్యామిలీ ఆడియన్స్, పిల్లలు చాలా ఎంజాయ్ చేస్తున్నారు. ఈ సినిమా టికెట్ రేట్లు అందరికీ అందుబాటులో ఉండే ధరల్లో ఉన్నాయి. తెలంగాణలో సింగిల్ స్క్రీన్సు 175, మల్టీప్లెక్స్ 200, ఆంధ్రాలో సింగిల్ స్క్రీన్ 195, మల్టీప్లెక్స్ 250 రూపీస్ ఉన్నాయి. అందరూ ఫ్యామిలీతో కలిసి వెళ్లి ఎంజాయ్ చేయండి. మరో సక్సెస్ మీట్ లో కలుద్దాం.
డైరెక్టర్ కిషోర్ తిరుమల మాట్లాడుతూ.. అందరికీ సంక్రాంతి శుభాకాంక్షలు. బిగినింగ్ నుంచి చివరి వరకు ప్రేక్షకులని నవ్వించాలనే ఉద్దేశంతోనే ఈ సినిమా మొదలు పెట్టడం జరిగింది. మేము అనుకున్న టార్గెట్ ని 100% రీచ్ అయ్యాం. ఆడియన్స్ నాన్ స్టాప్ గా నవ్వుతున్నారు. సత్య గారు వెన్నెల కిషోర్ గారు సునీల్ గారు అన్ని పాత్రలు కూడా హిలేరియస్ గా ఉన్నాయి. నా సినిమాలు ఫ్యామిలీ ఆడియన్స్ హ్యాపీగా చూడొచ్చు అని అంటారు. ఈ సినిమాతో ఆ ఆడియన్స్ డబుల్ అయ్యారు. ఈ సినిమా అందరికీ ఇంత బాగా నచ్చినందుకు చాలా ఆనందంగా ఉంది. ఆడియో బ్లాక్ బస్టర్ అయిందంటే ఆ క్రెడిట్ అంతా బీమ్స్ కి వెళుతుంది.
బ్యాక్ గ్రౌండ్ స్కోర్ కూడా నెక్స్ట్ లెవెల్ ఇచ్చారు. కార్తీకదీపం, పిన్ని డీజే మిక్స్ సాంగ్స్ కి అందరూ మురిసిపోతున్నారు.ఆషిక ఇమేజ్ ని బ్రేక్ చేసిన క్యారెక్టర్ చేశారు. తను క్యారెక్టర్ లో బెస్ట్ ఇచ్చింది. అలాగే డింపుల్ ఇమేజ్ ని కూడా బ్రేక్ చేసిన క్యారెక్టర్ చేసింది. ఇద్దరు కూడా అద్భుతంగా పెర్ఫాం చేశారు. ఈ స్క్రిప్ట్ లో పవన్ నాకు హెల్ప్ చేశాడు. ఈ టైటిల్ ఇచ్చింది కూడా తనే. చాలా మంచి టీం తో పని చేసాము. ఈ సినిమాకి పనిచేసిన అందరికీ పేరుపేరునా ధన్యవాదాలు. నిర్మాత సుధాకర్ గారు ఎక్కడ కాంప్రమైజ్ కాకుండా ఈ సినిమాని నిర్మించారు. ఈ సినిమా ఫ్యామిలీతో పాటు వెళ్ళండి ఎంజాయ్ చేయండి. నెక్స్ట్ సక్సెస్ మీట్ లో పబ్ సాంగ్ కి డాన్స్ చేస్తాను( నవ్వుతూ)రవితేజ గారికి నాకు పదేళ్ళుగా పరిచయం. ఎప్పటి నుంచో కలిసి పని చేయాలనుకుంటున్నాం. లక్కీగా ఇది కుదిరింది. రామ్ సత్యనారాయణ క్యారెక్టర్ ని ఆడియన్స్ చాలా ఎంజాయ్ చేస్తున్నారు. ఈ స్క్రిప్ట్ ఇంత అద్భుతంగా రావడానికి కారణం రవితేజ గారు. ఆయనకి ధన్యవాదాలు.
మ్యూజిక్ డైరెక్టర్ బీమ్స్ మాట్లాడుతూ.. అందరికి నమస్కారం. నన్ను ఎంతగానో సపోర్ట్ చేసిన అందరికీ పేరుపేరునా పాదాభివందనం. దర్శక నిర్మాతలు మమ్మల్ని నమ్మి అవకాశాలు ఇవ్వడం వల్లే ఈ స్థానంలో ఉన్నానని మనస్పూర్తిగా తెలియజేస్తున్నాను. సినిమా పరిశ్రమపై ఎన్నో జీవితాలు ఆధారపడి ఉన్నాయి. అలాంటి పరిశ్రమకు అందరూ సహకరించి ప్రోత్సహించాలని కోరుతున్నాను. విమర్శలు చేయవచ్చు గాని మరి ఒక సినిమాకి ఇబ్బంది కలిగించే లాగా తీసి పడేసేలాగా ఉండకూడదని కోరుతున్నాను. డైరెక్టర్ కిషోర్ తిరుమల గారు ఈ సినిమాకి ఎలాంటి మ్యూజిక్ కావాలో ఆయన దగ్గరుండి నా వేలు పట్టు చేయించారు. అంత క్లారిటీ ఉన్నా డైరెక్టర్. ఆయనతో కలిసి ఈ బ్లాక్ బస్టర్ అందుకోవడం ఎంతో ఆనందంగా ఉంది. నిర్మాత సుధాకర్ గారు కూడా ఎన్నో విలువైన సలహాలు సూచనలు ఇచ్చారు. ప్రతి విషయంలో సహకారాన్ని అందించారు. మా మ్యూజిక్ టీమ్ అందరికీ పేరుపేరునా ధన్యవాదాలు. రవితేజ గారు నా దేవుడు. ఈ సంక్రాంతి ఒక మెమొరబుల్ గా వుంది., ఇదే వేదిక మీద మన శంకర వరప్రసాద్ గారు సక్సెస్ మీట్ అయింది. ఇదే వేదిక మీద భర్త మహాశయులకు విజ్ఞప్తి సక్సెస్ మీట్ జరుగుతోంది. ఎందుకంటే ఒక జీవితానికి ఏం కావాలి. తెలుగు తెలుగు ప్రేక్షకులందరికీ పాదాభివందనం.
హీరోయిన్ ఆషిక రంగనాథ్ మాట్లాడుతూ.. ఈ సినిమాకి అద్భుతమైన రెస్పాన్స్ ఇచ్చిన ఆడియన్స్ అందరికి థాంక్యు. తిరుపతిలో ఈ సినిమాని చూసాము. ఆడియన్స్ నుంచి వస్తున్న రెస్పాన్స్ మాకు ఎంతో ఆనందాన్ని ఇచ్చింది. మేము పడిన కష్టానికి ఫలితం ఇచ్చారు.రవితేజ గారి కామెడీ టైమింగ్ అద్భుతం. ఆ కామెడీ టైమింగ్ ఇందులో అద్భుతంగా కనిపించింది. షూటింగ్ చేస్తున్నప్పుడే ఇది అద్భుతంగా వర్క్ అవుట్ అవుతుందని అనిపించింది. మా నమ్మకం నిజమైంది. రవితేజ గారితో నటించడం ఎంతో ఆనందాన్నిచ్చింది. నాకు ఈ అవకాశం ఇచ్చిన దర్శక నిర్మాతలకు ధన్యవాదాలు. అద్భుతమైన బ్లాక్ బాస్టర్ కొట్టిన నిర్మాత సుధాకర్ చెరుకూరి గారికి కంగ్రాట్యులేషన్స్. ఈ సినిమాని ఆడియన్స్ చాలా అద్భుతంగా ఎంజాయ్ చేస్తున్నారు. తప్పకుండా ఈ సినిమాని అందరూ చూసి ఎంజాయ్ చేయాలని కోరుకుంటున్నాను
హీరోయిన్ డింపుల్ మాట్లాడుతూ.. ఆడియన్స్ సినిమాని సంక్రాంతి బ్లాక్ బస్టర్ చేశారు. కిషోర్ గారు నా ఫస్ట్ హిట్ డైరెక్టర్. అలాగే నిర్మాత సుధాకర్ చెరుకూరి గారిని ఎప్పుడూ గుర్తుపెట్టుకుంటాను. ఈ సినిమాలో నా పాత్రని చాలా రిలేట్ అవుతున్నారు. ఒక నటిగా నాకు చాలా ఆనందాన్ని ఇస్తుంది. రోల్ మోడల్ అంటే రవితేజ గారిలా ఉండాలి. రవితేజ గారికి నేను ఫ్యాన్ ని. ఆయనకి ఎంతో మంది ఫ్యాన్స్ ఉన్నారు. వాళ్ళందరూ కూడా ఈరోజు చాలా హ్యాపీగా ఉన్నారు. రవితేజ గారి సింగల్ మ్యాన్ షో ఇది. ఒక అభిమానిగా నాకు ఎంతో గర్వంగా ఉంది. అందరికీ థాంక్యూ.
డైరెక్టర్ పవన్ మాట్లాడుతూ.. సినిమాకి అద్భుతంగా అద్భుతమైన రెస్పాన్స్ వస్తుంది. ఫ్యాన్స్ చాలా ఎంజాయ్ చేస్తున్నారు. బిఎండబ్ల్యూ రైడ్ అదిరిపోయింది. కిషోర్ గారు వింటేజ్ రవితేజ గారిని తీసుకొచ్చారు. భర్త మహాశయులకు విజ్ఞప్తి చూసి అందరూ సంక్రాంతి బాగా ఎంజాయ్ చేస్తారని కోరుకుంటున్నాను. ఈ వేడుకలో మూవీ యూనిట్ అందరూ పాల్గొన్నారు.
